الماتى ەكٸمٸ باقىتجان ساعىنتاەۆتىڭ تاپسىرماسى بويىنشا ينجەنەرلٸك جەلٸلەردٸ سالۋدى جٷزەگە اسىراتىن كومپانييالار جۇمىس تەحنولوگيياسىن بۇزعانى ٷشٸن جاۋاپقا تارتىلادى, دەپ حابارلايدى "ۇلت اقپارات".
قالالىق ەكٸمدٸك تاراتقان مەلٸمەتكە سەيكەس, مامانداندىرىلعان اۋدانارالىق ەكٸمشٸلٸك سوتىنىڭ شەشٸمٸمەن «مونوليت ديزاين-2030» كومپانيياسى ليتسەنزييادان ايىرىلدى جەنە 800 اەك كٶلەمٸندە ايىپپۇل تٶلەۋگە مٸندەتتەلدٸ. بۇل كومپانييا «تاستىبۇلاق» ىقشاماۋدانىندا ورتالىق كوممۋنيكاتسييالار قۇرىلىسىن جٷرگٸزگەن بولاتىن.
بىلتىر اتالعان كومپانييا جۇمىستا جٸبەرگەن كەمشٸلٸكتەرٸ ٷشٸن ەكٸمشٸلٸك شاراعا تارتىلدى. بيىلعى جىلدىڭ اقپان ايىندا «تاستىبۇلاق» ىقشاماۋدانىنىڭ تۇرعىندارى الماتى ەكٸمٸنە كومپانييانىڭ جۇمىستى اياقتاعان سوڭ جولداردى رەتكە كەلتٸرۋدٸ ساپاسىز جٷرگٸزگەنٸ تۋرالى شاعىمدانعان ەدٸ.
وسى شاعىمنىڭ نەگٸزٸندە قايتا تەكسەرۋ جٷرگٸزٸلدٸ, ونىڭ قورىتىندىسى بويىنشا بٸرقاتار كەمشٸلٸكتەر انىقتالدى, ماتەريالدار كومپانييانى ليتسەنزييادان ايىرۋ ٷشٸن ەكٸمشٸلٸك سوتقا جٸبەرٸلدٸ.
بۇرىندارى, الاتاۋ اۋدانىندا ينجەنەرلٸك جەلٸلەردٸ سالۋدا بٸرقاتار زاڭبۇزۋشىلىقتارعا جول بەرگەن «سيگما» كومپانيياسى دا سوت شەشٸمٸمەن ليتسەنزيياسىنان ايىرىلعان ەدٸ.
سونىمەن قاتار, پروبلەمالىق نىسانداردى جٷرگٸزگەن بٸرقاتار كومپانييالاردىڭ جۇمىستارى دا قايتا تەكسەرٸلەتٸن بولادى, ولاردىڭ اراسىندا تٶلە بي كٶشەسٸندەٸ ينجەنەرلٸك جەلٸلەردٸ رەكونسترۋكتسييالاعان «اگس-پلاست» جشس مەن «سۇڭقار» جشس بار.
ەسكە سالساق, جاقىندا تٶلە بي-مۇراتباەۆ كٶشەلەرٸنٸڭ قيىلىسىندا «AGS-PLAST» جشس-نٸڭ ينجەنەرلٸك جۇمىستاردى ساپاسىز جٷرگٸزگەندٸگٸ سالدارىنان جول قاق ايرىلعان ەدٸ.
«قازٸر بٷكٸل قالا بويىنشا قۇرىلىس جۇمىستارىن جٷرگٸزۋ بارىسىندا ستاندارتتاردىڭ ساقتالۋىنا باقىلاۋ كٷشەيتٸلدٸ. باسقارما كەسٸبي كومپانييالاردى جۇمىستى ورىنداۋ كەزٸندە بارلىق نورمالار مەن تالاپتاردى ساقتاۋعا شاقىرادى. تەكسەرۋلەر قورىتىندىلارى بويىنشا بارلىق تيٸستٸ شارالار قولدانىلادى, تٸپتٸ ليتسەنزييالارىنان ايىرۋعا دەيٸن»,- دەلٸنگەن حابارلامادا.
