الماتىنىڭ ەۋەزوۆ اۋدانىندا العاش رەت تاماق قالدىقتارىن جيناپ, كەيٸن قايتا ٶڭدەۋگە ارنالعان كونتەينەرلەر ورناتىلدى, - دەپ حابارلايدى Tengrinews.kz اگەنتتٸگٸ.
الماتىدا كەسٸپكەرلەردٸڭ باستاماسىمەن بۇزىلعان نان, ەسكٸرگەن توقاش, مەرزٸمٸ ٶتٸپ كەتكەن ماكارون جەنە باسقا دا نان ٶنٸمدەرٸن جينايتىن سارى جەشٸكتەر ورناتىلدى. جينالعان تاماق قالدىقتارى مال ازىعىنا ٶڭدەلەدٸ.
"العاشىندا مۇنداي كونتەينەرلەر بٸرنەشە ۋچاسكەگە ورناتىلدى, بٸزگە قسك جەنە قوقىس شىعاراتىن كومپانييالار حابارلاستى. بٸز كەسٸپكەرلەردٸ شاقىردىق ولار مەن-جايدى تٷسٸندٸردٸ, اۋدان ەكٸمدٸگٸنٸڭ باسشىلىعى ولاردىڭ يدەياسىن قولدادى. بۇل مەسەلە تۇرعىندار ٷشٸن دە ٶزەكتٸ بولعان. سەبەبٸ وسىعان دەيٸن كٶپتەگەن تازا, ادال تاماق قالدىقتارىن كونتەينەرگە تاستاماي, يت, قۇس جەنە مىسىقتاردى تاماقتاندىرۋ ٷشٸن جاقىن جەرگە قالدىرعان. بۇل باسقا تۇرعىندار ٷشٸن ٶتە ىڭعايسىز ەكەنٸ بەلگٸلٸ. كونتەينەرلەر ورناتىلعاننان كەيٸن اۋلالاردا قاڭعىباس جانۋارلار ازايىپ, قوقىس جەشٸكتەرٸنٸڭ اينالاسى ەلدەقايدا تازارىپ قالدى", - دەيدٸ ەۋەزوۆ اۋدانى ەكٸمدٸگٸنٸڭ اباتتاندىرۋ باسقارماسىنىڭ باسشىسى ايدىن تۇرسىنوۆ.
ەكٸمدٸكتٸڭ مەلٸمەتٸنشە, قازٸردٸڭ ٶزٸندە وبلىس بويىنشا نان ٶنٸمدەرٸن جيناۋعا ارنالعان 180 كونتەينەر ورناتىلعان. ولاردىڭ كەيبٸرەۋلەرٸ بۇزاقىلاردىڭ شابۋىلىنا ۇشىراپ, 78 كونتەينەردٸ جٶندەۋگە جٸبەرۋگە تۋرا كەلدٸ.
اعاسىمەن بٸرگە كونتەينەر ورناتۋدى قولعا العان كەسٸپكەر باعدات سەرسەەۆ ٶز تەجٸريبەلەرٸن قالانىڭ باسقا دا اۋداندارىنا جەتكٸزٸپ, ازىق-تٷلٸك قالدىقتارىن جينايتىن جالپى سانى 1500-گە جۋىق كونتەينەر ورناتۋدى جوسپارلاپ وتىرعاندارىن جەتكٸزدٸ.
"بۇل يدەيا كارانتينگە دەيٸن قوعامدىق تاماقتاندىرۋ سالاسىندا جۇمىس ٸستەگەن اعامىزعا تيەسٸلٸ. پاندەمييا كەزٸندە بيزنەس توقتاپ قالدى, سودان كەيٸن نان ٶنٸمدەرٸن جيناپ, ٶڭدەۋ يدەياسى كەلدٸ. ول ادامداردىڭ ناندى قوقىس جەشٸكتەرٸنە تاستامايتىنىن بايقاعان. مەنٸڭ ويىمشا, مۇنداي كونتەينەرلەردٸ ورناتۋ قاجەت. ەكولوگييالىق تۇرعىدان العاندا, ٷلكەن مەسەلەنٸ شەشەدٸ. وسىعان دەيٸن ازىق-تٷلٸك قالدىقتارى قايتا ٶڭدەلمەي كەدٸمگٸ شۇڭقىرلارعا تٶگٸلٸپ كەلگەن. قازٸر بٸز وسىنداي كونتەينەرلەردٸ ورناتقان جەرلەردەگٸ قوقىس كٶلەمٸ ايتارلىقتاي ازايدى", - دەدٸ باعدات سەرسەەۆ.
كەسٸپكەردٸڭ ايتۋىنشا, ولار استىق قالدىقتارىن, ماكارون ٶنٸمدەرٸن, جارما ٶنٸمدەرٸن قابىلدايدى. كونتەينەرلەر ٷش كٷن سايىن تازالانادى جەنە وسى ۋاقىت ٸشٸندە ولاردا 600 كەلٸگە دەيٸن قالدىق جينالۋى مٷمكٸن.
"قازٸرگٸ ۋاقىتتا كەلٸپ تٷسەتٸن ناندى قولمەن سۇرىپتايمىز. پوليەتيلەن پاكەتتەرٸن الىپ تاستايمىز. سودان كەيٸن ناندى كەپتٸرٸپ, ۇساقتاپ, دايىن جەمگە تٷيٸرشٸكتەيمٸز. تەرمييالىق ٶڭدەۋدەن كەيٸن تٷيٸرشٸكتەردٸ ۇساق جەنە ٸرٸ قارا مالعا بەرۋگە بولادى. بٸز جەمدٸ تەك دوستارىمىزعا ساتامىز, تٸپتٸ ولاردىڭ ٶزٸنە جەتپەي قالادى. بٸزدٸڭ باعامىز نارىقتاعىدان سەل تٶمەن", - دەپ قوستى كەسٸپكەر.
باعدات سەرسەەۆ العاشىندا كونتەينەرلەردٸڭ ەسٸگٸن بۇزىپ, اينالاسىنا نان لاقتىراتىن ۆاندالداردان قاتتى زارداپ شەككەندەرٸن ايتتى.
