الماتىدا BRT قۇرىلىسىنىڭ بٸرٸنشٸ كەزەڭٸ بيىل قىركٷيەكتە اياقتالادى. بۇل تۋرالى ونلاين بريفينگ بارىسىندا قالالىق موبيلدٸلٸك باسقارماسى باسشىسىنىڭ ورىنباسارى ەرنۇر ابجاحان ايتتى, دەپ حابارلايدى قازاقپارات.
«بيىل قىركٷيەككە دەيٸن بٸرٸنشٸ كەزەڭ بويىنشا جۇمىس اياقتالادى. بٸزدە جاندوسوۆ كٶشەسٸندە 1 شاقىرىم جول بويىندا تۇرعان نىسانداردى ساتىپ الىپ جاتىرمىز. سوڭعى ٷي تەركٸلەنٸپ الىندى. قازٸر بۇل ٷيلەر كٷرەلٸپ جاتىر. قىركٷيەكتٸڭ سوڭىنا دەيٸن جول جۇمىستارى اياقتالىپ پايدالانۋعا بەرٸلەدٸ», - دەدٸ ول.
ونىڭ ايتۋىنشا, قازٸر BRT ەكٸنشٸ كەزەڭٸنە دايىندىق جٷرٸپ جاتىر.
«قازٸر تەحنيكالىق شارتتاردى كوممۋنالدىق قىزمەت ٶكٸلدەرٸمەن كەلٸسٸپ جاتىرمىز. ودان كەيٸن جوباعا مەملەكەتتٸك ساراپتاما جٷرگٸزٸلەدٸ», - دەدٸ ول.
الماتىدا BRT (جٷردەك اۆتوبۋس جەلٸسٸنٸڭ) ەكٸنشٸ كەزەڭٸ قاشان باستالاتىنىن قوعامدىق كەڭەس تىڭداۋىندا ەرنۇر ابجاحان ايتقان بولاتىن.
جوبانىڭ بٸرٸنشٸ كەزەڭٸ - ۇزىندىعى 8,7 شاقىرىم بولاتىن مارشرۋت ۋچاسكەسٸ «مۇستافين - سٷلەيمەنوۆا- جاندوسوۆ – تيميريازەۆ» كٶشەلەرٸمەن جەلتوقسان كٶشەسٸنە دەيٸن بارادى.
«BRT قۇرىلىسى قاراجات بٶلٸنگەن جاعدايدا 2021 جىلدان باستالادى. ساراپتاما قورىتىندىسى شىققان سوڭ رەسپۋبليكالىق بيۋدجەتكە ساۋال جٸبەرۋٸمٸز دە مٷمكٸن. كەلەر جىلى باستاساق, قۇرىلىس جۇمىستارىنا شامامەن 22 اي كەتەدٸ. قۇرىلىس جۇمىستارى 1,5-2 جىلعا سوزىلادى», - دەدٸ قالالىق موبيلدٸلٸك باسقارماسى باسشىسىنىڭ ورىنباسارى ەرنۇر ابجاحان.
جوبا قۇنى شامامەن 12 ملرد دوللار دەپ باعالانىپ وتىر. BRT جوباسىنىڭ ەكٸنشٸ كەزەڭٸ, ياعني 13 شاقىرىمدىق ۋچاسكەسٸ جەلتوقسان كٶشەسٸمەن تٶلە بي, شىعىس اينالما جولى, Halyk Arena تۇسىنداعى دەپوعا دەيٸن بارادى.
