فوتو: الماتى ەكٸمدٸگٸ
الماتىدا بيىل كٶپپەتەرلٸ تۇرعىن ٷيلەردٸڭ باسقارماسىنا 300-دەي تەكسەرٸس جٷرگٸزۋ جوسپارلانىپ وتىر. تۇرعىن ٷيلەردٸ كٷردەلٸ جٶندەۋ مەن جەدەلساتىلاردى اۋىستىرۋ جۇمىسى دا جالعاسادى. ٶڭٸرلٸك كوممۋنيكاتسييالار قىزمەتٸندە الماتى قالاسى كوممۋنالدىق ينفراقۇرىلىم جەنە تۇرعىن ٷي ينسپەكتسيياسى باسقارماسى باسشىسىنىڭ ورىنباسارى جاندوس قايىرحانوۆ وسىلاي دەدٸ.
ونىڭ ايتۋىنشا, قازٸر قالاداعى 9,6 مىڭ كٶپپەتەرلٸ تۇرعىن ٷيدٸ 2,5 مىڭنان استام نىسان — ميب, پيك مەن باسقارۋشى كومپانييالار باسقارادى ەكەن. بىلتىر 265 تەكسەرٸس جٷرگٸزٸلٸپ, 66 ەكٸمشٸلٸك حاتتاما تولتىرىلىپ, 37 نىسان 10 ملن تەڭگەدەن استام سوماعا جاۋاپقا تارتىلعان. بيىلدىڭ ٶزٸندە 151 تەكسەرٸس باستالىپ كەتٸپتٸ.
«تۇرعىن ٷيدٸڭ توزۋىنا بايلانىستى كٶپ ٶتٸنٸش تٷستٸ. ۋاقىتىلى كٷردەلٸ جٶندەۋ جاساماعان, قۇرىلىم مەن ينجەنەرلٸك جٷيەلەر ەسكٸرگەن, وسىنىڭ بەرٸ اينالىپ كەلٸپ ٷلكەن مەسەلەگە بولىپ وتىر», — دەيدٸ جاندوس قايىرحانوۆ.
سوعان قاراماستان قالادا تۇرعىن ٷي-كوممۋنالدىق شارۋاشىلىقتى جاڭعىرتىپ جاتىر. 2011 جىلدان بەرٸ 1,3 مىڭنان استام ٷيگە كٷردەلٸ جٶندەۋ جٷرگٸزٸپ, 2,3 مىڭنان استام جەدەلساتى اۋىسقان. بيىل تاعى 100 ٷيدٸ جٶندەپ, 45 جەدەلساتى اۋىستىرماق. بۇل 300 جاڭا جۇمىس ورنىن اشۋعا مٷمكٸندٸك بەرەدٸ.
تۇرعىن ٷيلەردٸ باسقارۋ سالاسىنداعى زاڭنامالىق ٶزگەرٸسكە دە ەرەكشە نازار اۋدارىلدى. اتاپ ايتقاندا, «قاراپايىم سەرٸكتەستٸك» نىسانى الىنىپ تاستالدى, ەندٸ ەكٸ نەگٸزگٸ مودەل قاراستىرىلعان — ميب مەن تٸكەلەي بٸرلەسكەن باسقارۋ. سونداي-اق ميب تٶراعاسىنىڭ ٶكٸلەتتٸك مەرزٸمٸ ٷش جىلعا دەيٸن ۇزارتىلىپ, باسقارۋشى كومپانييالاردى تارتۋ مٷمكٸندٸگٸ كەڭەيتٸلدٸ.
بۇدان بٶلەك, تۇرعىنداردىڭ جينالىسىن ٶتكٸزۋدٸڭ كٷندٸزگٸ جەنە سىرتتاي (ونىڭ ٸشٸندە ونلاين) دەيتٸن جاڭا فورماتى ەنگٸزٸلدٸ. سونىمەن قاتار تۇرعىن ٷي ينسپەكتسيياسىنىڭ مٸندەتٸنە جىلىتۋ ماۋسىمىنا دايىندىق پەن ٶرت قاۋٸپسٸزدٸگٸ جٷيەلەرٸنٸڭ جاي-كٷيٸن باقىلاۋ جاعى دا كٸرٸپ وتىر.
سونداي-اق, قولدانىستاعى پيك-تەر بيىل شٸلدە ايىنا دەيٸن قايتا تٸركەۋدەن ٶتۋگە تيٸس. ول ٷشٸن حقكو ارقىلى ٶتٸنٸش, جينالىس حاتتاماسى مەن تٸركەۋ الىمىنىڭ تٶلەنگەنٸ تۋرالى قۇجات تاپسىرۋ كەرەك. بەلگٸلەنگەن مەرزٸمدە تالاپ ورىندالماعان جاعدايدا كووپەراتيۆتەردٸ مەجبٷرلٸ تٷردە تاراتۋ رەسٸمٸ قاراستىرىلعان. سونىمەن قاتار زاڭدا ۋاقىتشا باسقارۋشى كومپانييالار ينستيتۋتى كٶزدەلگەن. بۇل جاڭا ٷيلەرگە دە, سونداي-اق تۇرعىندارى باسقارۋ نىسانىن ەلٸ تاڭداماعان نىساندارعا دا قاتىستى.
بۇل باستاما تۇرعىن ٷي قورىن باسقارۋدىڭ اشىقتىعى مەن تيٸمدٸلٸگٸن ارتتىرىپ, تۇرعىنداردىڭ, باسقارۋشى ۇيىمدار مەن مەملەكەتتٸك ورگاندار اراسىنداعى ٶزارا بايلانىس مەدەنيەتٸن قالىپتاستىرۋعا باعىتتالعان.
