الماتى قالاسى بوستاندىق اۋدانىندا كٶپقاباتتى ٷيدٸڭ ماڭىنان ٶتٸپ بارا جاتقان ەيەلدٸڭ باسىنا مۇز تٷسٸپ اجال قۇشتى, دەپ حابارلايدى Sputnik.
قايعىلى جاعداي 20 قاراشا كٷنٸ ساعات 13:45 شاماسىندا ەل-فارابي داڭعىلىنان تٶمەن ماركوۆ كٶشەسٸنٸڭ بويىندا بولدى. پوليتسييانىڭ الدىن الا نۇسقاسى بويىنشا, Adal Residence تۇرعىن ٷي كەشەنٸنٸڭ جانىنان ٶتٸپ بارا جاتقان ەيەل باسىنا 11-قاباتتان مۇز تٷسٸپ كٶز جۇمعان.
قايعىلى جاعدايدى كۋەگەرلەر ۆيدەوعا تٷسٸرٸپ العان.
"قازٸرگٸ سەتتە مارقۇم ەيەلدٸڭ كٸم ەكەنٸ انىقتالدى. ول كٶزٸ تٸرٸسٸندە جاقىن ماڭايداعى ٷيدە تۇرعان. اۋىر جاراقات سالدارىنان 60 جاستاعى جەبٸرلەنۋشٸ سول جەردە كٶز جۇمدى", — دەدٸ الماتى قالاسى پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
ونىڭ ايتۋىنشا, وقيعا بولعان جەردە تەرگەپ-تەكسەرۋ توبى جۇمىس ٸستەگەن. فاكتٸ سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸمٸنە تٸركەلگەن.
وقيعاعا قاتىستى الماتى قالاسى بوستاندىق اۋدانىنىڭ ەكٸمدٸگٸ دە تٷسٸنٸك بەردٸ.
اۋداندىق كوممۋنالدىق شارۋاشىلىق بٶلٸمٸنٸڭ باس مامانى جانات جاقسىباەۆتىڭ ايتۋىنشا, اتالعان ٷيدٸڭ شاتىرلارىن تازالاۋ جۇمىستارى ٶتكەن اپتادا عانا جٷرگٸزٸلگەن.
«تازالاۋ جۇمىستارىن «ۆەرنىي ۆىبور» پەتەر يەلەرٸ كووپەراتيۆٸ جٷرگٸزدٸ. ٷيدٸڭ شاتىرى مۇزدان, قاردان تازالانعان. تەك بٸر پەتەرگە عانا جۇمىسشىلار كٸرە الماي قويعان. شاتىردى تازالاۋ ٷشٸن جۇمىسشىلار 9-قاباتتاعى پەتەرگە كٸرۋٸ كەرەك بولعان. ال ول پەتەر جابىق بولعان. كٸشكەنتاي عانا مۇز سٷڭگٸسٸ ەرٸگەن سۋمەن قوسىلىپ ٷلكەن كەسەككە اينالعان دا, ٷزٸلٸپ تٷسكەن», - دەدٸ جانات جاقسىباەۆ.
ونىڭ ايتۋىنشا, مارقۇم بولعان ەيەل اتالعان ٷيدٸڭ تۇرعىنى ەمەس. اۋدان ەكٸمدٸگٸ ونىڭ جاقىندارىنا بارىنشا كٶمەك كٶرسەتپەك.
«ٶتەماقى مەسەلەسٸن اۋدان باسشىلىعىمەن اقىلداسا وتىرىپ قاراستىرامىز. ەزٸرگە قايتىس بولعان ەيەلدٸڭ تۋىستارىمەن حابارلاسىپ, قانداي كٶمەك قاجەتتٸگٸن انىقتايمىز», - دەدٸ ج.جاقسىباەۆ.
پوليتسييا كٶز جۇمعان ەيەلدٸڭ دەنەسٸن الىپ كەتتٸ. ال پيك تٶراعاسىنان جاۋاپ الىنىپ جاتىر.
