قارجى نارىعىن رەتتەۋ جەنە دامىتۋ اگەنتتٸگٸ (قنردا), الماتى ەكٸمدٸگٸ, بانك ومبۋدسمەنٸ, بانكتەر جەنە قوعامدىق بٸرلەستٸكتەر اراسىندا يپوتەكالىق قارىزدار بويىنشا جالعىز تۇرعىن ٷيدٸ ساتۋدى جەنە ودان حالىقتىڭ ەلەۋمەتتٸك وسال توپتارىن شىعارۋدى توقتاتا تۇراتىن ٶزارا تٷسٸنٸستٸك پەن ىنتىماقتاستىق تۋرالى مەموراندۋمعا قول قويىلدى, - دەپ حابارلايدى Tengrinews.kz تٸلشٸسٸ اگەنتتٸككە سٸلتەمە جاساپ.
مەموراندۋمدى ەزٸرلەۋ 2020 جىلدىڭ ماۋسىمىندا باستالعانى اتاپ ٶتٸلدٸ.
"مەموراندۋمنىڭ ماقساتى تاراپتاردىڭ پروبلەمالىق بەرەشەكتٸ, ونىڭ ٸشٸندە يپوتەكالىق تۇرعىن ٷي قارىزدارىن/يپوتەكالىق قارىزداردى قايتا قارجىلاندىرۋ باعدارلاماسىنىڭ شارتتارى بويىنشا قايتا قارجىلاندىرىلعان بەرەشەكتٸ رەتتەۋ جٶنٸندە شارالار قابىلداۋى ارقىلى حەوت-قا جاتاتىن قارىز الۋشىلاردىڭ (تەڭ قارىز الۋشىلاردىڭ, كەپٸلگەرلەردٸڭ, كەپٸل بەرۋشٸلەردٸڭ) قۇقىقتارىن قورعاۋ", - دەلٸنگەن قنردا حابارلاماسىندا.
مەموراندۋمعا سەيكەس, قيىندىقتارى بار قارىزدى رەتتەۋ كەزەڭٸندە بانكتەر مىنانى توقتاتا تۇرادى: سوت ٸسٸن جٷرگٸزۋ, قارىزدى ٶندٸرٸپ الۋ ٷشٸن اتقارۋشىلىق جازبانى جاساۋعا نوتاريۋسقا جٷگٸنۋ, بانك بالانسىنا قابىلدانعان جالعىز تۇرعىن ٷيدٸ ساتۋ, قارىز الۋشىلاردى تۇرعىن ٷيدەن شىعارۋ, ونىڭ ٸشٸندە بانكتٸڭ بالانسىنداعى وسى تۇرعىن ٷيدٸڭ بۇرىنعى يەلەرٸن شىعارۋ.
ايتا كەتەيٸك, بۇل مٸندەتتٸ مەموراندۋم ەمەس.
"تاراپتاردىڭ ەرقايسى مەموراندۋمنىڭ ٸزگٸ نيەت اكتٸسٸ ەكەنٸن راستايدى جەنە تاراپتاردىڭ بەلگٸلەنگەن ماقساتتارعا قول جەتكٸزۋ ٷشٸن ادال ىنتىماقتاسۋعا دەگەن ٶزارا نيەتٸن بٸلدٸرەدٸ جەنە ازاماتتىق قۇقىقتار مەن مٸندەتتەردٸ بەلگٸلەيتٸن شارت نەمەسە ٶزگە قۇجات رەتٸندە تٷسٸندٸرٸلمەيدٸ", - دەلٸنگەن قۇجاتتا.
مەموراندۋم كٷشٸنە ەندٸ, ول قول قويىلعان كٷننەن باستاپ 12 اي قولدانىستا بولادى.
بۇعان دەيٸن الماتىدا بولعان اتىستان سوڭ قارىز الۋشىلاردى ٷيٸنەن شىعارۋ مەسەلەسٸ بەلسەندٸ تالقىلانا باستاعان بولاتىن. ەسكە سالايىق, 20 قىركٷيەكتە الماتىنىڭ اقبۇلاق شاعىناۋدانىندا ەر ازامات بەس ادامدى اتىپ ٶلتٸردٸ, ولاردىڭ اراسىندا پوليتسەيلەر, سوت ورىنداۋشىسى جەنە قاراپايىم تۇرعىندار بار. ول ٷيدەن شىعارۋ تۋرالى سوت شەشٸمٸن ورىنداۋعا كەلگەن ادامدارعا وق اتقان.
