الماتىدا بالالارعا قول كٶتەرگەن №37 بالاباقشا تەربيەشٸسٸ جۇمىسىنان شىعارىلدى. بالاباقشا مەڭگەرۋشٸسٸنە سٶگٸس جارييالاندى, دەپ حابارلايدى قازاقپارات تٸلشٸسٸ.
2 مامىردا بولعان وقيعانىڭ ۆيدەوسى ەلەۋمەتتٸك جەلٸگە تاراپ كەتتٸ.
بەينەكادردا ەرەسەك ەيەل 3-4 جاس شاماسىنداعى بالانى جاتىن بٶلمەدەن سٷيرەپ شىعىپ ەكٸنشٸ بٶلمەگە اپارىپ اياق كيٸممەن ۇرعانى تٷسٸپ قالعان. ارتىنان تٶسەگٸنە جاتىپ ۇيىقتاي قويماعان ەكٸنشٸ بالانى دا ۇرىپ جاتقانى كٶرٸنەدٸ.
تاياق جەگەن بالانىڭ اتا-اناسى ٸشكٸ كامەرا جازبالارىن تەكسەرۋ كەزٸندە بۇل سۇمدىق جاعدايدى كٶرٸپ, نارازىلىق تۋدىردى. كادر سىرتىندا تەربيەشٸنٸڭ جالىنىپ, پوليتسييا شاقىرماۋىن سۇراپ جىلاعان داۋسى ەستٸلەدٸ.
اتالعان وقيعاعا بايلانىستى قالالىق بٸلٸم بەرۋ باسقارماسى تٷسٸنٸك بەردٸ.
«بۇل وقيعا 2 مامىردا كٸشٸ بالالار توبىندا بولعان. №37 بالاباقشانىڭ تەربيەشٸسٸ پەداگوگيكالىق تەربيەگە جات قىلىق كٶرسەتكەن. اناسى بالاسىنىڭ كٶگەرگەن بەتٸن كٶرٸپ, 3 مامىردا بالاباقشا مەڭگەرۋشٸسٸنە شاعىم ايتقان. بالاباقشا مەڭگەرۋشٸسٸ مەن اناسى ٸشكٸ كامەرا جازبالارىن قاراپ شىققان. كادرلاردىڭ بٸرٸنەن تەربيەشٸنٸڭ قول كٶتەرگەنٸ انىق بولدى», - دەدٸ قالالىق بٸلٸم بەرۋ باسقارماسىنان.
بالاباقشا تەربيەشٸسٸ قر ەڭبەك كودەكسٸنٸڭ 52-بابىنىڭ 14 پۋنكتٸمەن جۇمىستان بوساتىلدى. سونداي-اق قىلمىستىق جاۋاپكەرشٸلٸككە تارتىلدى.
قالالىق پوليتسييا دەپارتامەنتٸنٸڭ حابارلاۋىنشا, تەرگەۋ جۇمىستارىمەن الاتاۋ اۋداندىق پوليتسييا باسقارماسى اينالىسىپ جاتىر.
«پوليتسيياعا بالانىڭ اناسى ٶتكەن تٷنٸ ارىزداندى. بۇل دەرەك قر قك 140 بابىنىڭ 2-بٶلٸمٸمەن سوتقا دەيٸنگٸ بٸرىڭعاي تەرگەۋ رەەسترٸنە تٸركەلدٸ. 35 جاستاعى تەربيەشٸ قىلمىستىق جاۋاپكەرشٸلٸككە تارتىلدى. جاقىن ارادا ٸس ماتەريالدارى سوتقا جولدانادى», - دەدٸ قالالىق پد رەسمي ٶكٸلٸ سالتانات ەزٸربەك.
سونىمەن قاتار, باقشادا اتالعان دەرەككە بايلانىستى ٶندٸرٸستٸك جيىن ٶتتٸ.
ال بالاباقشا مەڭگەرۋشٸسٸنە ۇجىمنىڭ تەربٸتٸن قاداعالاۋدى قولدان شىعارىپ العانى ٷشٸن سٶگٸس جارييالاندى.
مەكتەپكە دەيٸنگٸ بٸلٸم بەرۋ وشاعىنىڭ جۇمىسى قالالىق بٸلٸم بەرۋ باسقارماسىنىڭ قاتاڭ باقىلاۋىنا الىندى.
