الماتىدا جولاۋشىلارمەن بٸرگە اۆتوبۋسقا كٸرگەن جىلقىنىڭ يەسٸ ايىپپۇل ارقالادى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
ەسكە سالايىق, بۇل دەرەك ەلەۋمەتتٸك جەلٸلەرگە جٷرگٸزٸلگەن مونيتورينگ نەتيجەسٸندە بەلگٸلٸ بولدى.
"جەدەل-ٸزدەستٸرۋ ٸس-شارالارى بارىسىندا بٸزدٸڭ بٶلٸمشەنٸڭ تابيعاتتى قورعاۋ پوليتسيياسى بٶلٸمٸ №12 اۆتوبۋسپەن جىلقىسىن تاسىمالداپ كەلە جاتقان ج. ەسٸمدٸ ازاماتتى انىقتادى. ول ٶز قاتەلٸگٸن بٸردەن مويىندادى. جىلقى يەسٸ قر ەقبك-نٸڭ 407-2 بابى 1-بٶلٸگٸنٸڭ 5-تارماعى (قازاقستان رەسپۋبليكاسىنىڭ اسىل تۇقىمدى مال شارۋاشىلىعى تۋرالى زاڭناماسىن بۇزۋ) بويىنشا ەكٸمشٸلٸك جاۋاپكەرشٸلٸككە تارتىلادى. وسى رەتتە ونىمەن الداعى ۋاقىتتا مۇنداي زاڭ بۇزۋشىلىقتارعا جول بەرمەۋ ماقساتىندا قۇقىقتىق تٷسٸندٸرۋ جۇمىستارى جٷرگٸزٸلدٸ", - دەدٸ مەدەۋ اۋداندىق پوليتسييا باسقارماسىنىڭ باستىعى دەۋرەن ٶتەباەۆ.
