"الماتىداعى «العاباس-6» ىقشاماۋدانىندا تاعى بٸر ٷيدٸڭ قابىرعاسى قيسايدى. توعىز قاباتتى نىساننىڭ بٸر جاعىنا قاراي جانتايعانىن جەرگٸلٸكتٸ تۇرعىندار بايقاعان ەكەن", - دەپ حابارلايدى كتك ارناسى.
سوندىقتان ولار قاۋٸپتٸ ٷيدٸ دەرەۋ تەكسەرۋ كەرەك دەپ دابىل قاعۋدا. الايدا حالىقتىڭ جانايقايىنا قۇلاق اسار جان بولماي وتىر. ايتا كەتەيٸك, بۇل – اتالعان ىقشاماۋداندا جۇرتتىڭ زەرەسٸن ۇشىرعان ٷشٸنشٸ نىسان.
مۇنداعى جۇرت 156 جەنە 158-شٸ ٷيلەردٸڭ دە قابىرعاسى قيسايدى دەپ دابىل قاعۋدا. ياعني بٸر-بٸرٸنە جاپسارلاس سالىنعان توعىز قاباتتى قوس ٷيدٸڭ ٷستٸڭگٸ قاباتتارى اۋىتقي باستاپتى. مەملەكەتتٸك باعدارلامامەن سالىنعان باسپانالاردىڭ بٸر جاعىنا قاراي جانتايىپ تۇرعانىن تۇرعىندار بٸر اپتا بۇرىن بايقاعان ەكەن.
"15-16 جىل كەزەكتە تۇرىپ بٸر كٷنٸ استىنا تٷسٸپ كەتەمٸز بە, ەلدە قۇلاپ قالا ما, بالا-شاعا ارام ٶلە مە دەپ قورقامىز. كٷنٸمەن-تٷنٸمەن قورقامىز", - دەيدٸ الماتى قالاسىنىڭ تۇرعىنى كٷلشارييا ەلامانوۆا.
بويىن قورقىنىش بيلەگەن جۇرت ٷيلەرٸنٸڭ اپاتتى جاعدايدا تۇرعانىن ايتىپ اتقامٸنەرلەرگە شاعىمدانعان. الايدا وعان ەشكٸم قۇلاق اسپادى دەيدٸ اشىنعاندار. تٸپتٸ تٶتەنشە جاعداي قىزمەتكەرلەرٸ دە «قورىققانعا قوس كٶرٸنەدٸ» دەپ تەلەفون تۇتقاسىن تاستاي سالاتىن كٶرٸنەدٸ. سوندىقتان جينالعاندار جاۋاپتى مامانداردان ٷيدٸڭ قانشالىقتى قاۋٸپتٸ-قاۋٸپسٸز ەكەنٸن تەكسەرٸپ, ناقتى قورىتىندى شىعارىپ بەرۋلەرٸن تالاپ ەتٸپ وتىر.
"ەكٸ كٷن بۇرىن ارتقى جاقتا كوميسسييا جٷر دەگەسٸن باردىق. ەكٸمدٸكتەن بٸر كٸسٸ بولعان سوعان جولىعىپ جاعدايدى ايتتىق. جانىمىزداعى ٷيدٸڭ قيسايعانىن ايتتىق, نٶمٸرٸن كٶرسەتتٸك. ول كٸسٸ ايتتى قازٸر جارتى ساعاتتا كەلەمٸز, كٶرەمٸز, ٶزٸم قاراپ, ەرتەڭ مامان جٸبەرەمٸن دەگەن. ودان بەرٸ ٷش كٷن ٶتتٸ", - دەيدٸ الماتى قالاسىنىڭ تۇرعىنى اقمارال ەمٸروۆا.
وسىلايشا حالىقتى الداعان شەنەۋنٸكتەر ەشكٸمگە ۇستاتار ەمەس. تٸپتٸ تٸلشٸلەرگە دە تۇششىمدى جاۋاپ بەرۋدەن جالتارۋدا. ال العاباستاعى اپاتتى ٷيلەرگە قاتىستى ٶتكٸزگەن جيىندارى جابىق ەسٸك جاعدايىندا ٶتەدٸ ەكەن.
اتقامٸنەرلەردٸڭ حالىقتان قاشاتىنداي دا جٶنٸ بار. سەبەبٸ, العاباستاعى اپاتتى ٷيلەردٸڭ سانى كٷن ساناپ كٶبەيٸپ كەلەدٸ. ياعني سەنٸمدٸ اقپارات كٶزدەرٸنٸڭ ايتۋىنشا قازٸر بۇل كەشەندەگٸ توعىز قاباتتى 11 ٷيدٸڭ قابىرعاسى قيسايعان كٶرٸنەدٸ. سوندىقتان ەڭ قاۋٸپتٸ دەگەن ٷش نىساننىڭ اينالاسى قورشالىپ, قازٸر ٸرگەتاسى نىعايتىلۋدا.
