الماتىدا ارىقتان تابىلعان 26 جاستاعى ەيەل ٶز كٷيەۋٸنٸڭ قولىنان كٶز جۇمعان. بۇل تۋرالى قارا جامىلعان وتباسىنىڭ دوستارى حابارلادى, دەپ جازادى قازاقپارات تٸلشٸسٸ.
«بۇل كەلٸنشەك سول جەردەگٸ ٷيلەردٸڭ بٸرٸندە قارت كٸسٸلەردٸ باعاتىن. ونى كٷيەۋٸ ٶلتٸردٸ. بٸر كٷن بۇرىن. جۇمىس ٸستەيتٸن ورنىن بٸلٸپ الىپ, سول ادرەسكە بارىپ شاقىرعان. شىققان كەزدە ٶلتٸرٸپ تاستاعان. ەيەلدٸ بٸرەۋلەر زورلاماق بولدى دەگەن وي قالىپتاستىرعىسى كەلٸپ, شەشٸندٸرٸپ كەتكەن. اناسىنىڭ ايتۋىنشا, قىزىنىڭ تەنٸ كٶك-الا قويداي ەكەن. ساۋ تامتىعى قالماعان. ەيەلدٸ جۇمىسقا العان ادامداردان ەستٸگەنٸمٸزدەي, سوققىدان ەيەلدٸڭ بٸر قۇلاعى جىرتىلىپ كەتكەن»,- دەدٸ وتباسىنىڭ تانىسى ۆالەنتينا سوبولەۆا.
ونىڭ ايتۋىنشا, ەيەلدٸڭ 6 جاستاعى ۇلى جەتٸم قالدى.
«ولار سوڭعى جىلدارى اجىراسىپ كەتكەن. بٸرگە تۇرمايتىن. كٷيەۋٸ ەيەلٸنٸڭ ارتىق قىلىعى بولماسا دا, قاتتى قىزعاناتىن. جەنە بالانى الىپ كەتەم دەپ قورقىتاتىن. مارقۇم كەلٸنشەك وتباسىن اسىراۋ ٷشٸن قانداي جۇمىس بولسىن ٸستەۋگە تىرىساتىن», - دەدٸ ول.
سوڭعى جىلدارى قايتىس بولعان كەلٸنشەك اناسىمەن ايگەرٸم شاعىن اۋدانىنداعى جەكە ٷيلەردٸڭ بٸرٸندە پەتەر جالداپ تۇرىپ كەلگەن.
پوليتسييا اۋلاداعى كامەرالار ارقىلى كٷدٸكتٸنٸ ٸزٸن سۋىتپاي ۇستاعان. ەر ادام ٶز كٸنەسٸن بٸردەن موينىنا الدى.
كٸسٸ قولىنان كٶز جۇمعان كەلٸنشەكتٸ كەشە قاسكەلەڭدەگٸ تۋىسقاندارى جەر قوينىنا تاپسىردى.
قالالىق پوليتسييا اتالعان قىلمىسقا قاتىستى تەرگەۋ قۇپيياسىن ساقتاۋ ماقساتىندا جاق اشپاي وتىر.
ايتا كەتۋ كەرەك, 9 شٸلدە كٷنٸ ەل-فارابي كٶشەسٸندەگٸ ارىقتاردىڭ بٸرٸنەن جاس ەيەلدٸڭ دەنەسٸ تابىلعان بولاتىن.
