الماتىدا ارمەنييادان ەكەلٸنگەن 165 كٶلٸك ەلٸ تٸركەۋدەن ٶتكەن جوق. بۇل تۋرالى الماتى قالاسى پوليتسييا دەپارتامەنتٸنٸڭ باسشىسى قانات تايمەردەنوۆ ٶڭٸرلٸك كوممۋنيكاتسييالار قىزمەتٸندە ٶتكەن ونلاين بريفينگتە ايتتى, دەپ حابارلايدى "ۇلت اقپارات".
«2019 جىلى الماتى قالاسىنىڭ اۋماعىنا ارمەنييادان 501 اۆتوكٶلٸك ەكەلٸنگەن. 2020 جىلدىڭ 14 تامىزىنداعى جاعداي بويىنشا تٸركەلمەگەن 165 كٶلٸك قالدى. پوليتسييا دەپارتامەنتٸنٸڭ Call-ورتالىعىنىڭ قىزمەتكەرلەرٸ ارمەنييادان ەكەلٸنگەن اۆتوكٶلٸك قۇرالدارىن تٸركەۋ شارتتارى تۋرالى حاباردار ەتۋ ٷشٸن كٶلٸك يەلەرٸنە قوڭىراۋ شالدى. ەستەرٸڭٸزگە سالا كەتەيٸك, بۇل ناۋقان وسى جىلدىڭ 1 قىركٷيەگٸنە دەيٸن جالعاسادى», – دەدٸ قانات تايمەردەنوۆ.
سونىمەن قاتار, ول ارمەنييادان ەكەلٸنگەن كٶلٸكتەردٸ تٸركەۋ ٷشٸن قانشا قاراجات كەتەتٸن ايتتى.
«تٸركەۋ شارتتارى مەن كٶلٸكتەرگە قويىلاتىن تالاپتارعا كەلەر بولساق, ولار بارىنشا وڭاي جاسالعان. ەڭ باستىسى ارمەنييادان ەكەلٸنگەن كٶلٸكتەر 1 قىركٷيەككە دەيٸن تٸركەۋدەن ٶتۋٸ تيٸس. تٸركەۋ كەزٸندەگٸ مٸندەتتٸ تٶلەمدەرگە كەلەتٸن بولساق, ٷش تٶلەم بار: تٸركەۋ ٷشٸن الىم – 695 تەڭگە, تەحنيكالىق پاسپورت ٷشٸن باج – 3 473 تەڭگە جەنە مەملەكەتتٸك نٶمٸر ٷشٸن باج – 7 778 تەڭگە. تٶلەمنٸڭ جالپى سوماسى 11 946 تەڭگە», – دەدٸ الماتى قالاسى پوليتسييا دەپارتامەنتٸنٸڭ باسشىسى.
