الماتىدا بەلگٸلٸ تٷركٸتانۋشى, پروفەسسور رەبيعا سىزدىقتىڭ كٶپتومدىق شىعارمالارىنىڭ تۇساۋى كەسٸلدٸ, دەپ حابارلايدى "ۇلت اقپارات".
ۇلتتىق عىلىم اكادەميياسىنىڭ اكادەميگٸ, فيلولوگييا عىلىمىنىڭ دوكتورى, پروفەسسور, تٷركييا «Dil Kurumu» لينگۆيستيكالىق اكادەميياسىنىڭ قۇرمەتتٸ مٷشەسٸ, قازاقستان رەسپۋبليكاسىنىڭ ەڭبەك سٸڭٸرگەن قايراتكەرٸ, قر مەملەكەتتٸك سىيلىعىنىڭ, شوقان ۋەليحانوۆ اتىنداعى سىيلىقتىڭ, I دەرەجەلٸ «بارىس» وردەنٸنٸڭ يەگەرٸ رەبيعا سىزدىق بيىل 95 جاسقا تولدى.
وسى مەرەيتويعا وراي الماتىداعى ۇلتتىق كٸتاپحانادا عالىمنىڭ 14 تومنان تۇراتىن شىعارمالارى تانىستىرىلدى.
اكادەميكتٸڭ تٸلتانىمدىق ەڭبەكتەرٸ – لاتىن گرافيكاسىنا نەگٸزدەلگەن جاڭا ۇلتتىق ەلٸپبيگە كٶشۋ رەفورماسىنىڭ عىلىمي-تەورييالىق, عىلىمي-ەدٸستەمەلٸك جۇمىستارىنىڭ ٶزەگٸ, ٸرگەتاسى. مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا «قازاق تٸلٸ ۇلتارالىق قاتىناس تٸلٸنە اينالۋى» تيٸستٸگٸ تۋرالى ايتىپ ٶتكەن تاپسىرماسىنىڭ ورىندالۋىنا رەبيعا سىزدىق ەڭبەكتەرٸنٸڭ قوسار ٷلەسٸ ەلەۋلٸ.
«رەبيعا اپاي 1970-1980 جىلدارى يدەولوگييا ەلٸ قاتاڭ, ياعني تٷركولوگييا, تٸل تاريحىمەن شۇعىلدانۋعا بولمايتىن كەزدە بايتۇرسىنوۆتانۋدىڭ, ابايتانۋدىڭ نەگٸزٸن قالادى. ابايتانۋدىڭ ٷلكەن سٶزدٸگٸن شىعاردى. قوجا احمەت ياساۋي جٶنٸندە دە ٸرگەلٸ ەڭبەكتەر جازىپ, ياساۋيتانۋدىڭ نەگٸزٸن سوناۋ 1980 جىلدارى قالادى. ول كەزدە دٸنگە تىيىم سالىنعان تۇس بولاتىن. 14 تومنان تۇراتىن ەڭبەگٸن جيناق ەتٸپ شىعارۋ جۇمىسى بٸرنەشە جىل بۇرىن باستالعان ەدٸ. الداعى ۋاقىتتا باسقا دا ەڭبەكتەرٸ شەتٸنەن قوسىلا بەرەدٸ. ەر عالىمنىڭ قولجازبالارى, ەر كەزدە جازعان ەڭبەكتەرٸ كٶپ. دەگەنمەن, ەڭبەكتەرٸنٸڭ باسىم كٶپشٸلٸگٸ وسى تاڭدامالى جيناققا ەنٸپ وتىر. رەبيعا اپايىمىز قازٸر ٷلكەن ارىستارىمىزدىڭ كٶزٸ بولىپ ەسەپتەلەدٸ. ونى انا تٸلٸمٸزدٸڭ – اناسى دەپ ايتامىز», - دەيدٸ ا. بايتۇرسىنۇلى اتىنداعى تٸل بٸلٸمٸ ينستيتۋتىنىڭ ديرەكتورى ەردەن قاجىبەك.
شارا قر بٸلٸم جەنە عىلىم مينيسترلٸگٸنٸڭ عىلىم كوميتەتٸ جەنە ا.بايتۇرسىنۇلى اتىنداعى تٸل بٸلٸمٸ ينستيتۋتىنىڭ ۇيىمداستىرۋىمەن ٶتتٸ.
