الماتى قالاسىنداعى س.ج.اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸنٸڭ جاڭا 9 قاباتتى جاتاقحاناسى پايدالانۋعا بەرٸلدٸ. ەلباسى نۇرسۇلتان ەبٸشۇلى نازارباەۆتىڭ ناۋرىز ايىنداعى بەس باستاماسى بويىنشا ەل يگٸلٸگٸنە بەرٸلگەن العاشقى ستۋدەنتتەر ٷيٸنٸڭ بٸرٸ ەرٸ بٸرەگەيٸ.
مەملەكەت باسشىسى ۇسىنعان «جوعارى بٸلٸم الۋدىڭ قولجەتٸمدٸلٸگٸ مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ» جايىن "نۇر وتان" پارتيياسى ٶز باقىلاۋىندا ۇستاپ كەلەدٸ. قازٸرگٸ تاڭدا ەل ٶڭٸرلەرٸندە جاڭا جاتاقحانالار بوي كٶتەرٸپ, الداعى جىلدارى ستۋدەنتتەرگە بەرٸلەدٸ. الماتى قالاسىندا ورنالاسقان 38 جوعارى وقۋ ورنىندا شامامەن 140 مىڭعا جۋىق ستۋدەنت وقيدى. ونىڭ تەڭ جارتىسىنان استامى ٶزگە ٶڭٸرلەردەن كەلگەن جاستار. وسى جاستاردىڭ جاتاقحانامەن قامتاماسىز ەتٸلۋٸنە ەلباسىنىڭ «بەس ەلەۋمەتتٸك باستاماسى» تىڭ سەرپٸن بەرٸپ وتىر. الداعى ٷش جىلدا الماتىدا 22 مىڭ ورىندىق 37 جاتاقحانا سالىناتىن بولادى. جەرگٸلٸكتٸ بيلٸك كەيبٸر ۋنيۆەرسيتتەرگە جەر تەلٸمدەرٸن بٶلٸپ, قۇرىلىس الاڭدارىنا جىلۋ, سۋ, ەلەكتر ەنەرگيياسى سەكٸلدٸ ينجەنەرلٸك جەلٸلەردٸ تارتۋعا كٶمەگٸن بەرۋدە. ال س.ج. اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸنٸڭ جاڭا جاتاقحاناسى وسىنىڭ بٸر جەمٸسٸ.
9 قاباتتى ەكٸ عيماراتتان تۇراتىن جاڭا ستۋدەنتتەر ٷيٸنٸڭ اشىلۋ سالتاناتىنا قر دەنساۋلىق ساقتاۋ مينيسترٸ ەلجان بٸرتانوۆ ارنايى كەلدٸ. ٶزٸ وقىعان وقۋ ورنىنداعى ستۋدەنتتەردٸ جاڭا قونىستارىمەن قۇتتىقتاپ, اق لەبٸزٸن بٸلدٸردٸ. بولاشاق دەرٸگەرلەردٸ كٶرٸپ سٶزٸن "قۇرمەتتٸ ەرٸپتەستەر" دەپ تە باستادى.
- قايىرلى كٷن, قۇرمەتتٸ ەرٸپتەستەر! وسىلاي اتاعانىم دۇرىس شىعار. سەبەبٸ سٸزدەر بولاشاق دەرٸگەر مامانسىزدار. مەن دە وسى شاڭىراقتا بٸلٸم العانمىن. وسى جاتاقحانانىڭ اشىلۋ سالتاناتىنا كەلگەنٸمە ٶتە قۋانىشتىمىن.
ٶزدەرٸڭٸزگە مەلٸم, بۇل جاتاقحانا ەلباسى نۇرسۇلتان ەبٸشۇلى نازارباەۆتىڭ بەس ەلەۋمەتتٸك باستاماسى نەگٸزٸندە ٸسكە قوسىلدى. تەك قانا الماتىدا عانا ەمەس, تەك مەديتسينا سالاسىندا عانا ەمەس, باسقا دا جوعارى بٸلٸم بەرۋ ۇيىمدارىندا دا وسىنداي جوبالار جٷزەگە اسا باستادى. ەلباسى تاپسىرماسى بويىنشا جٷزەگە اسىپ جاتقان جوبالار بٸزدٸ قۋانتادى. ۋنيۆەرسيتەت باسشىلىعىنا العىسىمدى بٸلدٸرەمٸن.
قازٸرگٸ تاڭدا جوعارى بٸلٸم بەرۋ ساپاسى كٶتەرۋ اسا ماڭىزدى ماقسات. حالىقارالىق دەڭگەيگە جەتۋ ٷشٸن ستۋدەنتتەرٸمٸزگە بار جاعدايدى جاساۋىمىز قاجەت. تەك جاتاقحانالار عانا ەمەس, ۋنيۆەرسيتەتتەردٸڭ ينفراقۇرىلىمىن دامىتۋ كەرەك. الدا تاعى جاتاقحانالاردىڭ بوي كٶتەرۋ جايىن قاراستىرىپ, ەلباسى باعدارلاماسىنىڭ جٷزەگە اسۋىنا كٷش سالامىز, - دەدٸ مينيستر.
ەلجان بٸرتانوۆ جاڭا ستۋدەنتتەر ٷيٸن ارالاپ, بٸلٸم الۋشىلاردىڭ كٷندەلٸكتٸ ٶمٸرٸمەن دە تانىستى. بولاشاق دەرٸگەرلەرمەن اعىلشىن تٸلٸندە سٶيلەسٸپ, بٸلٸمدەرٸن تەكسەرٸپ تە كٶردٸ. بٶلمەلەردٸ, اسحانا, وقۋ زالدارى, كٸتاپحانا مەن كومپيۋتەرلٸك كابينەتتەردٸ ارالادى. جاڭا جاتاقحاناعا قۋانا-قۋانا قونىستانعان ستۋدەنتتەر مەملەكەت باسشىسى مەن مينيسترگە العىستارىن بٸلدٸردٸ.
- مەملەكەتتٸڭ ستۋدەنتتەرگە جاساپ جاتقان يگٸ ٸستەرٸ مول. 2019 جىلدى "جاستار" جىلى دەپ اتاۋىنىڭ ٶزٸ بٸزگە زور قولداۋ. نەگٸزٸنەن ستۋدەنتتەر تىڭعىلىقتى بٸلٸم الۋ ٷشٸن ولارعا ەلەۋمەتتٸك جاعداي جاسالۋ كەرەك. مٸنە وسىنداي جاتاقحانا اشىلعانعا بٸزدٸڭ قۋانىشىمىزدا شەك جوق. بٸزدٸڭ ۋنيۆەرسيتەتٸمٸزدەگٸ جاتاقحاناعا مۇقتاج ستۋدەنتتەردٸڭ سانى قىسقاردى, ەدەۋٸر ازايدى. بۇل بٸز ٷشٸن بٸر جەتٸستٸك. ستۋدەنتتەر ٷيٸنٸڭ ەربٸر بٶلمەسٸ جىلى, جارىق, زاماناۋي تالاپتارعا ساي سالىنعان. مەملەكەت باسشىسىنا, سٸزدەرگە جەنە ۋنيۆەرسيتەت باسشىلىعىنا ستۋدەنتتەر اتىنان كٶپ-كٶپ راقمەتٸمدٸ ايتامىن, - دەدٸ ۋنيۆەرسيتەتتٸڭ ستۋدەنتتٸك ۇيىمىنىڭ تٶرايىمى قارلىعاش جۇمانوۆا.
"پرەزيدەنتتٸڭ بەس ەلەۋمەتتٸك باستاماسى" بويىنشا پايدالانۋعا بەرٸلگەن جاتاقحانا قۇرمانعازى كٶشەسٸ بويىندا بوي كٶتەرگەن. جاڭا ستۋدەنتتەر ٷيٸنە 600-گە جۋىق بٸلٸم الۋشى قونىستانادى. بۇل ەلباسى ٷندەۋٸ نەگٸزٸندە اشىلعان ەلٸمٸزدەگٸ ەڭ ٸرٸ جاتاقحانالاردىڭ بٸرٸ.
جاڭا ستۋدەنتتەر ٷيٸنٸڭ اشىلۋى - س.ج. اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸ ٷشٸن ايرىقشا قۋانىش دەۋگە بولادى. سەبەبٸ 6 000-عا جۋىق ستۋدەنت بٸلٸم الاتىن وقۋ ورداسىندا ستۋدەنتتەرگە جاتاتىن ورىن جەتٸسپەيدٸ. جاڭا عيمارات بۇل مەسەلەنٸ تٷبەگەيلٸ شەشپەسە دە, ٶزگە قالادان كەلەتٸن اسا مۇقتاج ستۋدەنتتەر ٷشٸن كٶپ كٶمەك بولدى.
ستۋدەنتتەر ٷيٸندە 75 ادامعا ارنالعان اسحانا, كٸر جۋاتىن ورىن, 30 ادامعا ارنالعان وقۋ زالى, شاعىن كٸتاپحانا, ينتەرنەت بٶلمەلەر, دەمالىس ورنى جەنە مەديتسينالىق كٶمەك كٶرسەتۋ كابينەتتەرٸ بار. ستۋدەنتتەر جايلىلىعى ٷشٸن بار جاعداي جاسالعان. جۋىناتىن ورىندارى بٶلمە جاندارىنا ورنالاستىرىلعان.
بۇل ستۋدەنتتەر ٷيٸ - س.ج.اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸنٸڭ 8-شٸ جاتاقحاناسى. ەرٸ ٸشٸندەگٸ ەڭ ٸرٸسٸ. سونداي-اق ٶز قارجىسىمەن جاتاقحانا سالعان ەلٸمٸزدەگٸ العاشقى وقۋ ورنى.
ەلٸمٸزدەگٸ ستۋدەنتتەر سانى 500 مىڭعا جۋىق. ونىڭ ٸشٸندە 41 %-ى ٶزگە ٶڭٸرلەردە وقيتىن جاستار. ٶتكەن جىلى 85 مىڭنان جوعارى ستۋدەنت جاتاقحاناعا زەرۋ بولعان. ونىڭ جارتىسىنان كٶپشٸلٸگٸ مەملەكەتتٸك جوعارى وقۋ ورىندارىندا بٸلٸم الۋشىلار. ناقتىراق ايتساق, جاتاقحانادا ورىنداردىڭ جەتٸسپەۋ الماتىداعى وقۋ ورىندارىندا كٶپ بايقالادى. جىل سايىن ستۋدەنتتەر سانى ٶسكەنمەن, جاتاقحانالار بوي كٶتەرمەگەن. ال كٶپ ستۋدەنتتەر ٷيٸ كەڭەس كەزٸنەن قالعان. بٸرازىنىڭ توزىعى جەتٸپ, كٷدەلٸ جٶندەۋدٸ دە تالاپ ەتەدٸ. بۇل ەلەۋمەتتٸك مەسەلەنٸ باستى نازارعا العان مەملەكەت باسشىسى بەس باستاماسى بويىنشا ايرىقشا تاپسىرما بەردٸ. نەتيجەسٸندە جارتى جىلدان استام ۋاقىت ٸشٸندە-اق وڭ نەتيجەسٸن بەرە باستادى.
