الماتىدا پوليتسييا قىزمەتكەرلەرٸ 826 كگ سەرتيفيكاتتالماعان پيروتەحنيكالىق ٶنٸم تەركٸلەدٸ.
بۇل تۋرالى قالالىق تٶتەنشە جاعدايلار دەپارتامەنتٸ باسشىسىنىڭ مٸندەتٸن اتقارۋشى ەرلان ەلٸبەكوۆ ونلاين بريفينگ بارىسىندا ايتتى.
«جاڭا جىل مەرەكەسٸ كەزٸندە ٶرت قاۋٸپسٸزدٸگٸن قامتاماسىز ەتۋ ماقساتىندا پوليتسييا دەپارتامەنتٸمەن بٸرلەسٸپ, پيروتەحنيكالىق ٶنٸمدەردٸ زاڭسىز ساتۋ ورىندارىن انىقتاۋ ٷشٸن 2020 جىلعى 15 جەلتوقساننان 2021 جىلعى 7 قاڭتارعا دەيٸنگٸ ارالىقتا بٸرلەسكەن شارالار ٶتكٸزۋ جوسپارى جاسالىپ, بەكٸتٸلدٸ. بۇل جوسپاردى ٸسكە اسىرۋ شەڭبەرٸندە 40 شارا ٶتكٸزٸلٸپ, پوليتسييا قىزمەتكەرلەرٸ 826 كگ سەرتيفيكاتتالماعان پيروتەحنيكالىق ٶنٸم تەركٸلەدٸ.
پوليتسييا قىزمەتكەرلەرٸ قر ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 196 بابىنىڭ 1-بٶلٸمٸ بويىنشا 8 ەكٸمشٸلٸك حاتتاما تولتىردى. قازاقستان رەسپۋبليكاسىنىڭ زاڭناماسىندا تىيىم سالىنعان نەمەسە شەكتەلگەن تاۋارلارمەن جەنە ٶزگە زاتتارمەن ساۋدا جاساعانى ٷشٸن 25 ايلىق ەسەپتٸك كٶرسەتكٸش بويىنشا ايىپپۇل قاراستىرىلعان. تۇرعىندار اراسىندا پيروتەحنيكانى دۇرىس قولدانۋ تۋرالى 2000-نان استام جادىناما, بروشيۋرا مەن ەسكەرتپە تاراتىلدى», - دەدٸ ەرلان ەلٸبەكوۆ.
ونىڭ ايتۋىنشا, الماتى قالاسىندا جىل سايىن جاڭا جىل مەرەكەلەرٸندە 10-نان 15-كە دەيٸن ٶرت بولادى. ال ٶرتتٸڭ 30 پايىزى پيروتەحنيكالىق بۇيىمداردى قولدانۋ سالدارىنان بولعان. سوڭعى 5 جىلدا بولعان 76 ٶرتتٸڭ 16-سى پيروتەحنيكانى قولدانۋدان بولدى.
«ەڭ الدىمەن پيروتەحنيكالىق ٶنٸمدەردٸ ساتىپ العاندا, ورامنىڭ تۇتاستىعىنا جەنە ونىڭ جارامدىلىق مەرزٸمٸنە نازار اۋدارىڭىز. 14 جاسقا دەيٸنگٸ بالالارعا پيروتەحنيكانى ٶز بەتٸمەن قولدانۋعا جول بەرمەڭٸز. پيروتەحنيكانى قولدانۋ كەزٸندە ٶنٸمدٸ ٶزٸڭٸزدەن الىستاۋ ۇستاڭىز. قاۋٸپتٸ ايماق راديۋسىندا (50 مەتر) پيروتەحنيكانى ۇشىرۋعا ەشقانداي كەدەرگٸ (اعاش شوقتارى, سىزىقتار, وتشاشۋلار باعىتىن ٶزگەرتە الاتىن ەلەكتر جەلٸلەرٸ) جوق ەكەنٸنە كٶز جەتكٸزٸڭٸز. شىرشالار مەن ولاردىڭ ەشەكەيلەرٸن ورناتۋ كەزٸندە اعاشتار ورنىقتى نەگٸزگە ورناتىلىپ, ٷي-جايدان شىعۋعا توسقاۋىل بولماۋى كەرەك, شىرشانىڭ بۇتاقتارى قابىرعا مەن تٶبەدەن كەم دەگەندە 1 مەتر قاشىقتىقتا ورنالاسۋى قاجەت, ترانسفورماتورسىز ەلەكتر جەلٸسٸن پايدالانعان كەزدە كەرنەۋٸ 12 ۆولتكە دەيٸنگٸ شامداردى قولدانىڭىز.
شامداردىڭ رۇقسات ەتٸلگەن قۋاتى 25 ۆاتتان اسپاۋى كەرەك. ەگەر جارىقتاندىرۋ كەزٸندە اقاۋ انىقتالسا (سىمداردىڭ قىزۋى نەمەسە ۇشقىن شىعارۋ), وندا گيرلياندىنى دەرەۋ ەلەكتر جەلٸسٸنەن اجىراتىڭىز. زاقىمدانعان نەمەسە قورعانىش قاسيەتتەرٸن جوعالتقان, ٶرت تۋدىرۋى مٷمكٸن جارامسىز ەلەكتر جەلٸلەرٸن پايدالانباڭىز», - دەدٸ ە.ەلٸبەكوۆ.
ونىڭ ايتۋىنشا, جاساندى جەنە تابيعي شىرشانىڭ ەكەۋٸ دە ٶرتەنەتٸن ماتەريالعا جاتادى.
«سوندىقتان سانيتارلىق نورمالار مەن ەرەجەگە سەيكەس ولاردى ورناتۋدىڭ تالاپتارى مەن قاۋٸپسٸزدٸگٸن عانا ەسكەرۋ كەرەك», - دەدٸ ول.
الماتى جەدەل مەديتسينالىق جەردەم قىزمەتٸنٸڭ باس دەرٸگەرٸ بٸرجان وسپانوۆتىڭ ايتۋىنشا, جاڭا جىل مەرەكەسٸندە كٶبٸنەسە ادامدار اۋرۋحاناعا كٷيٸكپەن, سىنىقپەن, ۋلانۋمەن تٷسەدٸ.
«بىلتىر مىسالى بٸزدە ەڭ جاس كٸشٸ پاتسيەنت 4 جاستا بولدى. ۇل بالا بەنگال وتتارىنان كٶزٸ كٷيٸك شالىپ تٷستٸ. دەر كەزٸندە اۋرۋحاناعا جەتكٸزٸپ, ەمدەدٸك. قالادا مەرەكە كٷندەرٸ 200 بريگادا, 600 مەديتسينا قىزمەتكەرٸ جۇمىس ٸستەيدٸ. ەگەر وقىس جاعداي بولسا, مٸندەتتٸ تٷردە جەدەل جەردەم شاقىرىڭىزدار», - دەدٸ ب.وسپانوۆ.
