الماتىدا قاشىقتان وقىپ جاتقان 8 وقۋشىدان كوروناۆيرۋس تابىلدى, دەپ حابارلايدى "ۇلت اقپارات".
ونلاين بريفينگ بارىسىندا قالالىق بٸلٸم باسقارماسى باسشىسىنىڭ ورىنباسارى قايرات جۇمانوۆ قوعامدىق دەنساۋلىق ساقتاۋ دەپارتامەنتٸ كٷندەلٸكتٸ مەكتەپ وقۋشىلارىندا COVID-19 دەرتٸنٸڭ بار-جوعىن تەكسەرۋ ٷشٸن تالداۋ جٷرگٸزٸپ وتىرعانىن ايتتى.
«بٷگٸندە 8 بالا ەسەپكە تٸركەلدٸ. ونىڭ بارلىعى - قاشىقتان وقيتىن بالالار. قازٸرگٸ ۋاقىتتا مەكتەپ وقۋشىلارىنىڭ 96% قاشىقتان وقىپ جٷر. سونىمەن قاتار, قالانىڭ 133 (64%) مەكتەبٸندە 11 840 بالانى قامتىعان 923 كەزەكشٸ سىنىپ ۇيىمداستىرىلدى. كەزەكشٸ سىنىپتار سانيتارلىق ەپيدەميولوگييالىق تالاپتاردى قاتاڭ ساقتاي وتىرىپ جيناقتالعان, ەر سىنىپتا وقۋشى سانى 15 ادامنان اسپايدى. مەكتەپتەردەگٸ وقۋ پروتسەسٸن ۇيىمداستىرۋدا مەكتەپ الدىندا تۇرعان باستى مٸندەت - بالالاردىڭ ٶمٸرٸ مەن دەنساۋلىعىنىڭ قاۋٸپسٸزدٸگٸن قامتاماسىز ەتۋ», - دەدٸ قايرات جۇمانوۆ.
