الماتىدا 8 بالانىڭ اناسى ەليما جۇباەۆا پەتەردەن پەتەرگە كٶشٸپ كٷنەلتۋدە. بالالارىنىڭ ٷلكەنٸ 16 جاستا بولسا, كەنجەسٸ ەلٸ قىرقىنان شىقپاپتى. الايدا ونىڭ جاعدايىنا قاراماستان, پەتەر يەسٸ ٷيٸنەن قۋىپ جاتىر.
كٶپ بالالى انانىڭ تۇرعىن ٷي دەپارتامەنتٸندە ٷي كەزەگٸندە تۇرعانىنا 5 جىلدان اسىپتى. الايدا كەزەگٸ ەلٸ جىلجىماي تۇر ەكەن.
ەڭ بولماسا بٸر بٶلمەلٸ پەتەر سۇراپ بارماعان جەرٸ قالماعان 8 بالانىڭ اناسى ەندٸ كٶپشٸلٸكتەن كٶمەك سۇراۋعا مەجبٷر.
«شارشادىم, كٷتٸپ, كٷتٸپ. كونكۋرستارعا دا قاتىسىپ تۇرامىن. تابىس كٶرسەتە الماي, كونكۋرستان دا ٶتە الماي جاتىرمىن. بٸر ادامداي جٷگٸرٸپ جٷرمٸن. "جىلاماعان بالاعا ەمشەك جوق" دەيدٸ عوي. قۇر وتىرعان جوقپىن. ٸزدەنٸپ تە جٷرمٸن. بٸراق شەشٸمٸ بولماي جاتىر», – دەيدٸ «التىن القا» يەگەرٸ ەليما جۇباەۆا.
ەليمانىڭ سٶزٸنشە, كٶلٸك جٷرگٸزۋشٸ بولىپ جۇمىس ٸستەيتٸن وتاعاسىنىڭ 100 مىڭ تەڭگە تابىسى كٷنكٶرٸستەرٸنە جەتپەيدٸ. تٸپتٸ, ولار بۇل اقشانىڭ تەڭ جارتىسىنا پەتەراقىسىن تٶلەپ كەلگەن. الايدا پەتەر يەسٸ ولاردى ٷيٸنەن قۋىپ جاتقان كٶرٸنەدٸ.
«مٸنە, وسى ايدىڭ ونىندا ٷيدٸ بوساتامىز. بٸراق قايدا بارارىمىزدى بٸلمەيمٸز. بٸر كٷندە ون شاقتى جالدامالى پەتەرگە قوڭىراۋ شالامىز. بەرٸ باس تارتادى. بٸردەن قانشا بالامىز بار ەكەنٸن سۇرايدى. سەگٸز ەكەنٸن ايتسام, ولار: «جوق, بالاڭىز كٶپ ەكەن», – دەپ جاۋاپ بەرەدٸ», – دەيدٸ ەليما.
كٶپبالالى انا ەندٸگٸ ەكٸمدٸك باسپانا مەسەلەسٸن شەشٸپ بەرمەسە, باس پروكۋراتۋراعا شاعىمدانۋعا نيەتتەنٸپ وتىر.
