الماتىدا جولاۋشىلار اۆتوبۋسى بەس جاسار قىز بەن ونىڭ اناسىن قاعىپ كەتتٸ, دەپ حابارلايدى "ۇلت اقپارات".
الماتى قالالىق پوليتسييا دەپارتامەنتٸ مەلٸم ەتكەندەي, جول اپاتى كەشە كەشكە بولعان. كٸشكەنتاي قىز باعدارشامنىڭ قىزىل تٷسٸنە قاراماي جولدان ٶتكەن. ونىڭ جانىندا اناسى مەن اعاسى بولعان.
«گولدەن دراكون» ماركالى اۆتوبۋستىڭ 1968 جىلى تۋعان جٷرگٸزۋشٸسٸ اباي داڭعىلىمەن باتىس باعىتتا جاروكوۆ كٶشەسٸنٸڭ قيىلىسىندا ەكٸ جاياۋ جٷرگٸنشٸنٸ قاعىپ كەتتٸ. ولار - 1983 جىلى تۋعان ا. ەسٸمدٸ كەلٸنشەك پەن ونىڭ 2015 جىلى تۋعان قىزى. سونداي-اق, اپات سالدارىنان اۆتوبۋستىڭ بٸر جولاۋشىسى زارداپ شەكتٸ» دەيدٸ الماتى قالاسى پد تەرگەۋ بٶلٸمٸنٸڭ باستىعى ولجاس شەرٸپوۆ.
زارداپ شەككەندەردٸڭ بارلىعى مەديتسينالىق مەكەمەلەرگە جاتقىزىلدى.
«بۇل فاكت اۋماقتىق قۇرامى بويىنشا المالى اۋدانىنىڭ پوليتسييا باسقارماسىندا تٸركەلدٸ. تيٸستٸ ساراپتاما تاعايىندالدى» دەپ تولىقتىردى دەپارتامەنتتەن.
