الماتىدا 4 جاسار بٷلدٸرشٸن شۇڭقىرعا جينالعان سۋعا قۇلاپ, مەرت بولدى, دەپ حابارلايدى قازاقپارات.
الماتى قالالىق پوليتسييا دەپارتامەنتٸنٸڭ مەلٸمەتٸنشە, قايعىلى وقيعا الاتاۋ اۋدانىنا قاراستى «قاراسۋ» شاعىناۋدانىندا بولعان.
«بۇل جاعداي الاتاۋ اۋداندىق پوليتسييا باسقارماسىندا تٸركەلدٸ. قازٸرگٸ تاڭدا سوتالدى تەرگەۋ امالدارى جٷرگٸزٸلٸپ جاتىر. سوت-مەديتسينالىق ساراپتاما تاعايىندالدى. سونىمەن قاتار, زاڭمەن كٶزدەلگەن پروتسەسسۋالدىق ەرەكەتتەر بار. قايعىلى وقيعانىڭ مەن-جايى تولىق انىقتالادى. مٸندەتتٸ تٷردە زاڭ اياسىندا جاۋاپتى ادامدارعا شارا قولدانىلادى», - دەدٸ الماتى قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
باق بەتتەرٸندە جارييالانعان اقپاراتقا سٷيەنسەك, بٷلدٸرشٸننٸڭ ٶمٸرٸن قيعان لاي سۋعا تولى شۇڭقىر بٸر اي بۇرىن قازىلعان.
«قاراسۋ» ىقشاماۋدانىنداعى كەرٸز جٷيەسٸن ورتالىقتاندىرۋ ٷشٸن وسى جەردە ارنايى ستانتسييا قۇرىلىسى باستالىپتى.
جەراستى سۋى كەدەرگٸ كەلتٸرگەن سوڭ جۇمىستى ۋاقىتشا توقتاتىپ قويعان.
بٷگٸن الماتىدا نٶسەر جاۋىن جاۋىپ, قالا اۋماعىندا بٸرقاتار كٶشە مەن تۇرعىن ٷيدٸڭ اۋلاسىن سۋ باسىپ قالدى.
مەگاپوليستە سۋ تاسقىنىن جويۋ ٷشٸن جەدەل شتاب قۇرىلدى. جاڭبىر مەن داۋىل سالدارىنان 19 اعاش قۇلادى. بٸر اۆتوكٶلٸك پەن بٸر ٷي زارداپ شەكتٸ.
