الماتىنىڭ 34 مەكتەبٸن «جارىپ جٸبەرمەك» بولعان جاسٶسپٸرٸم ۇستالدى. بۇل تۋرالى قر ٸٸم ەكسترەميزمگە قارسى ٸس-قيمىل دەپارتامەنتٸ باستىعىنىڭ ورىنباسارى دارحان رازۋەۆ ايتتى, دەپ حابارلايدى قازاقپارات.
«جالعان حابارلاما بەرۋ تەسٸلدەرٸ ساناۋلى. مىسالى, ولاردىڭ 85 پايىزعا جۋىعى موبيلدٸ تەلەفون ارقىلى حابارلانعان. اقپاراتتىق تەحنولوگييانىڭ دامۋىنا بايلانىستى عالامتور جەلٸسٸ ارقىلى دا كەلٸپ تٷسكەن حابارلامالار بار. ونداي فاكتٸلەر 8 پايىز شاماسىندا. ولاردى اشۋ كٶبٸرەك ۋاقىت قاجەت ەتەدٸ. الايدا مۇنداي قىلمىستار دا جازاسىز قالمايدى. مىسالى, وسى جىلى الماتى قالالىق پوليتسييا دەپارتامەنتٸنٸڭ قىزمەتكەرلەرٸ 34 مەكتەپكە ەلەكتروندىق پوشتامەن جالعان حابارلاما تاراتقان جاسٶسپٸرٸمدٸ ۇستادى. قازٸرگٸ ۋاقىتتا تەرگەۋ جٷرگٸزٸلٸپ جاتىر», - دەدٸ ەدٸ ول ٸٸم باسپاسٶز قىزمەتٸ الاڭىندا بريفينگ بارىسىندا.
ونىڭ اتاپ ٶتۋٸنشە, جالعان «جارىلعىش زات» ادامدار كٶپ جينالاتىن ساۋدا ٷيلەرٸ, بازارلارعا, دٷكەندەرگە, مەملەكەتتٸك ورگاندار مەن بٸلٸم بەرۋ مەكەمەلەرٸنە, ۆوكزال مەن ەۋەجايعا قويىلادى.
«بٷگٸنگٸ تاڭدا قۇقىق قورعاۋ ورگاندارىندا مۇنداي قىلمىستارمەن كٷرەسۋدە بارلىق مٷمكٸندٸك بار. زاماناۋي تەحنيكالىق قۇرالدارمەن جابدىقتالعان. قوڭىراۋ شالعان ادام داۋىسىن ٶزگەرتسە دە, سيم-كارتاسى مەن تەلەفونىن اۋىستىرسا دا, ول بەرٸبٸر تابىلادى. قىلمىستاردىڭ 90 پايىزدان استامى «ٸزٸ سۋىماي» كەلەسٸ تەۋلٸكتە اشىلدى», - دەدٸ دارحان رازۋەۆ.
دەپارتامەنت باستىعىنىڭ ورىنباسارى ۇسىنعان ستاتيستيكاعا قاراعاندا, سوڭعى 10 جىلدا وسى ساناتتاعى قىلمىس ەدەۋٸر ازايعان.
«اتاپ ايتقاندا, 2011 جىلى 123 فاكتٸ, ال بىلتىر 50 فاكتٸ تٸركەلگەن. بيىل 8 اي ٸشٸندە 52 قىلمىستىق ٸس تٸركەلٸپ وتىر. ونىڭ 28-ٸ سوتقا جولداندى. قازٸرگٸ ۋاقىتتا 16 ادامعا قاتىستى ٷكٸم شىعارىلدى», - دەدٸ ول.
