الماتى قالالىق بٸلٸم باسقارماسى باسشىسىنىڭ ورىنباسارى قايرات جۇمانوۆ قالادا قانشا وقۋشىنىڭ كوروناۆيرۋس جۇقتىرعانىن مەلٸم ەتتٸ, دەپ حابارلايدى "ۇلت اقپارات".
«بٸرٸنشٸ توقساندا 26 وقۋشى كوروناۆيرۋس جۇقتىرعانى انىقتالدى. ولاردىڭ ەكەۋٸ شتاتتىق رەجيمدە وقىعان. قالاداعى ەپيدەميولوگييالىق احۋالدى ەسكەرە وتىرىپ, بالالاردىڭ اتا-انالارى مەكتەپكە جٸبەرگەندە قوعامدىق ورىنعا جٸبەرگەنٸن تٷسٸنگەنٸ ابزال. اتا-انالار تاراپىنان بارىنشا ينفەكتسييانى جۇقتىرماۋدىڭ امالدارى جاسالعانى دۇرىس», - دەدٸ قايرات جۇمانوۆ.
بۇعان دەيٸن قالانىڭ باس سانيتارلىق دەرٸگەرٸ جانداربەك بەكشين ەكٸنشٸ توقساننان باستاپ 1-5 سىنىپتارعا كەزەكشٸ سىنىپ اشۋعا رۇقسات بەرگەنٸن جازعان بولاتىنبىز.
ال بٸرٸنشٸ توقساندا 1-4 سىنىپتارعا عانا رۇقسات ەتٸلگەن ەدٸ.
140 مەملەكەتتٸك مەكتەپتە 985 كەزەكشٸ سىنىبى اشىلدى. بۇل سىنىپتاردا 12 928 بالا وقىعان.
56 جەكەمەنشٸك مەكتەپتە 582 كەزەكشٸ سىنىبى اشىلىپ, 7 056 بالا بٸلٸم الدى.
