بيىل «جۇمىسپەن قامتۋدىڭ جول كارتاسى» اياسىندا 214 جوبانى جٷزەگە اسىرۋ جوسپاردا. مۇندا 26 مىڭ جۇمىس ورنى اشىلادى. بۇل تۋرالى الماتى قالالىق ەل-اۋقات باسقارماسىنىڭ باسشىسى راحات شيماشەۆا بريفينگ بارىسىندا مەلٸم ەتتٸ, دەپ حابارلايدى "ۇلت اقپارات".
«اتاپ ايتقاندا, جاڭادان 9 مەكتەپ بوي كٶتەرەدٸ. 13 بٸلٸم مەكەمەسٸنە قوسالقى عيمارات سالۋ جوسپاردا. 520 ورىنعا ارنالعان 3 بالاباقشانىڭ قۇرىلىسى باستالادى جەنە 95 مەكتەپكە دەيٸنگٸ مەكەمە كٷردەلٸ جٶندەۋدەن ٶتەدٸ. سونداي-اق, №7 قالالىق اۋرۋحانانى تاعى 64 تٶسەككە كەڭەيتۋ كٶزدەلگەن»,– دەيدٸ راحات شيماشەۆا.
سونىمەن قاتار,ول بٸرقاتار جوبالار ينجەنەرلٸك-كٶلٸك ينفراقۇرىلىمىن, تكش جەلٸلەرٸن كەڭەيتۋ مەن جاڭعىرتۋ, اۋماقتاردى اباتتاندىرۋ ماقساتىندا ٸسكە اسىرىلاتىنىن اتاپ ٶتتٸ.
«مىسالى, ناۋرىزباي اۋدانىندا سۋمەن جابدىقتاۋدىڭ جاڭا جەلٸلەرٸنٸڭ قۇرىلىسى باستالادى. سونداي-اق, الاتاۋ, تٷركسٸب اۋداندارىندا جول قۇرىلىسى جٷرگٸزٸلەدٸ. بٷگٸندە بارلىق اۋداندارداعى جولداردا ورتاشا جەنە اعىمداعى جٶندەۋ جۇمىستارى باستالدى. اتاپ ايتقاندا, 363 اۋلاعا كٷردەلٸ جٶندەۋ جەنە قوعامدىق ايماقتارعا اباتتاندىرۋ جۇمىستارى جٷرگٸزٸلەدٸ. جالپى, «جۇمىسپەن قامتۋدىڭ جول كارتاسى» اياسىندا 26 مىڭ ادام جۇمىسپەن قامتىلادى»,- دەيدٸ الماتى قالالىق ەل-اۋقات باسقارماسىنىڭ باسشىسى.
«جۇمىسپەن قامتۋدىڭ جول كارتاسى» ٸسكە اسىرىلعاننان كەيٸن جاڭا نىسانداردىڭ قۇرىلىسى ەسەبٸنەن 2045 جاڭا تۇراقتى جۇمىس ورىندارى اشىلادى.
