الماتىدا جاسىل قوردى ساۋىقتىرۋ بويىنشا جۇمىستار جالعاسۋدا, بيىل 257 مىڭ اعاش وتىرعىزىلادى, دەپ حابارلايدى قازاقپارات.
الماتى قالالىق جاسىل ەكونوميكا باسقارماسىنىڭ باسشىسى ناتاليا ليۆينسكايانىڭ ايتۋىنشا, جىل سوڭىنا دەيٸن 257 مىڭ اعاش وتىرعىزۋ جوسپارلانعان. بٸرٸنشٸ كەزەكتە وبلىسقا شەكارالاس ورنالاسقان ناۋرىزباي, الاتاۋ جەنە جەتٸسۋ اۋداندارىنا ەرەكشە نازار اۋدارىلاتىن بولادى.
«قالادا بارلىعى 2,352 ملن اعاش بار. ولاردىڭ ٸشٸندە ساۋىعىپ, جاپىراقتارىن كەڭگە جايعاندارى 1,8 ملن نەمەسە 76,5 پايىز. ٶتكەن جىلى قالا ەكٸمٸ باقىتجان ساعىنتاەۆتىڭ باستاماسىمەن «جاسىل الماتى» اكتسيياسى قولعا الىندى. سونىڭ اياسىندا ٶتكەن جىلى كٷزدە 135 مىڭ تٷپ اعاش وتىرعىزىلدى. بيىل 8 مىڭعا جۋىق اعاش وتىرعىزدىق, جىل سوڭىنا دەيٸن تاعى 257 مىڭ تٷپ اعاش وتىرعىزۋدى جوسپارلاپ وتىرمىز», – دەدٸ ونلاين بريفينگ بارىسىندا ناتاليا ليۆينسكايا.
سونىمەن قاتار, ول مەگوپوليستە اعاش وتىرعىزۋ جۇمىستارىنا جاڭا تالاپتار ەنگٸزٸلگەنٸن اتاپ ٶتتٸ.
«قازٸر ۇجىمدىق جەنە كوممەرتسييالىق ۇيىمدار قايىرىمدىلىق شارا بارىسىندا جيٸ اعاش وتىرعىزادى. مٸنە, وسىنداي جۇمىستار ٷشٸن جاڭا ەرەجە ەنگٸزٸلدٸ. وتىرعىزىلاتىن اعاشتىڭ ديامەترٸ 3 سم, بيٸكتٸگٸ 3 مەتردەن كەم بولماۋى كەرەك. تاعى بٸر مەسەلە اعاشتى وتىرعىزۋدان بٶلەك ونى كٷتٸپ-باپتاۋ جۇمىستارى بار. جاڭا تالاپتا وتىرعىزىلعان اعاشتى ەكٸ جىل باپتاۋ ەرەجەسٸ قاراستىرىلعان. بۇل جاسىل جەلەكتٸڭ قاراۋسىز قالماي, ارى قاراي جەرسٸنٸپ, جايقالىپ ٶسٸپ كەتۋٸ ٷشٸن جاسالىپ وتىر. سونىمەن قاتار, قالادا اعاش وتىرعىزاتىن ارنايى ايماقتاردى قاراستىرىپ جاتىرمىز», – دەدٸ ول.
سونداي-اق, ماماندار اۋداندارداعى جاسىل جەلەكتٸ ساناپ شىقان. ەڭ جاسىل ەلدٸ مەكەن مەدەۋ اۋدانىندا 472 مىڭنان استام اعاش بار. ال, ناۋرىزباي جەنە الاتاۋ اۋداندارىندا شامامەن 202 مىڭ جەنە 179 مىڭ اعاش ٶسٸپ تۇر. جاسىلداندىرۋ بويىنشا ەكٸنشٸ ورىندى تٷركسٸب اۋدانى يەلەنگەن, مۇندا 431,5 مىڭ تٷپ اعاش بار. بوستاندىق اۋدانىندا 380 مىڭ اعاش ٶسٸپ تۇر. ال, ەۋەزوۆ اۋدانىنداعى اعاشتار سانى 100 مىڭعا كەم, ياعني 255 مىڭعا جۋىق. جەتٸسۋ اۋدانىندا 220 مىڭنان استام, ال المالى اۋدانىندا 213 مىڭ اعاش بار.
ايتا كەتەرلٸگٸ, تەك كٶپشٸلٸك قولداناتىن جەردەگٸ اعاشتار عانا سانالدى. ياعني, جەكە اۋماقتارداعى, زيراتتارداعى, رەسپۋبليكالىق ماڭىزى بار جەرلەردەگٸ جاسىل جەلەك قوسىلماعان.
