الماتى ەكٸمدٸگٸ بٷگٸن جول-ينفراقۇرىلىمى جوبالارى تۋرالى ونلاين كونفەرەنتسييا ٶتكٸزدٸ, دەپ حابارلايدى قازاقپارات.
«الماتىدا جالپى جولدىڭ ۇزىندىعى 3 096 كم. ونىڭ ٸشٸندە ساپاسى جاقسى جولداردىڭ ٷلەسٸ سالماعى 2019 جىلى 75 %-عا جەتكٸزٸلدٸ. بارلىعى 2 322 كم بولدى. الماتى ەكٸمٸنٸڭ تاپسىرماسىمەن 2020 جىلى بۇل كٶرسەتكٸشتٸ 80%-عا جەتكٸزۋ كٶزدەلگەن», - دەدٸ قالالىق موبيلدٸلٸك باسقارماسى باسشىسىنىڭ ورىنباسارى ەرنۇر ابجاحان.
2019 جىلى قالانىڭ دامۋ جوسپارىنا سەيكەس ت.رىسقۇلوۆ پەن قۇلجا تاس جولى جول ايرىعى پايدالانۋعا بەرٸلدٸ. سونىمەن قاتار, سٷيٸنباي داڭعىلىنىڭ حمەلنيتسكيي مەن شولوحوۆ كٶشەسٸ ارالىعىنداعى ۋچاسكەسٸ قايتا جٶندەۋدەن ٶتتٸ.
2020 جىلى 3 ٸرٸ جولايرىعىنىڭ: ت.رىسقۇلوۆ –ەمتسوۆ, س.سەيفۋللين داڭعىلى – ٸ.جانسٷگٸروۆ كٶشەسٸ, بۇقتىرما – قۇلجا تاس جولى نىساندارىنىڭ قۇرىلىسى اياقتالادى.
«قازٸر ت.رىسقۇلوۆ داڭعىلىنىڭ وڭتٷستٸك جاعىندا جول جابىندىسى تٶسەلٸپ جاتىر. ال سولتٷستٸگٸندە ٷيلەر ەلٸ سٷرٸلٸپ جاتىر. ەلٸ بٸرنەشە نىسان تولىق تەركٸلەنگەن جوق. بۇل جۇمىستار كەلەسٸ جىلى تولىق اياقتالادى», - دەدٸ ەرنۇر ابجاحان.
س.سەيفۋللين – ٸ.جانسٷگٸروۆ جول ايرىعىندا ٷيلەر سٷرٸلٸپ جاتىر. بيىل توننەلدەر سالىنىپ, 2021 جىلعا قاراي جۇمىس تولىق اياقتالادى.
بۇقتىرما – قۇلجا تاس جولى جولايرىعىندا دا قالا مەن وبلىس تەرريتوريياسىنداعى جەر ۋچاسكەلەرٸن تەركٸلەۋ جٷرٸپ جاتىر.
