17 تامىزدان باستاپ الماتىدا كٶپتەگەن كەسٸپكەرلٸك سۋبەكتٸلەردٸڭ جۇمىسى قايتا جاندانادى, دەپ حابارلايدى "ۇلت اقپارات".
الماتى قالاسىنىڭ باس مەملەكەتتٸك سانيتار دەرٸگەرٸ جانداربەك بەكشينٸڭ ايتۋىنشا, وسى ۋاقىتقا دەيٸن قىزمەتٸنە تىيىم سالىنعان نىساندار دٷيسەنبٸدەن باستاپ جۇمىسىن قايتا باستايدى.
«17 تامىزدان باستاپ ساۋدا ورتالىقتارى, ساۋدا جەلٸلەرٸ مەن اشىق بازارلار جۇمىس ٸستەي باستايدى. سونداي-اق, سەن سالونى مەن ورتالىقتارىنىڭ, شاشتارازداردىڭ, SPA-ورتالىقتارىنىڭ جۇمىسىنا رۇقسات ەتٸلەدٸ. بالالارعا ارنالعان تٷزەتۋ كابينەتتەرٸ, بٸلٸم بەرۋ ورتالىقتارى الدىن الا جازىلۋ بويىنشا جۇمىس ٸستەيدٸ. ايتا كەتۋ كەرەك مۇندا ادام سانىنا شەكتەۋ قويىلعان. ياعني, 5 كەلۋشٸدەن ارتىق قابىلداۋعا بولمايدى«», – دەيدٸ جانداربەك بەكشين.
سونداي–اق, دٷيسەنبٸدەن باستاپ اشىق اسپان استىنداعى اتتراكتسيوندارعا اشىلۋعا رۇقسات بەرٸلدٸ. مۇندا دا بارىلىق سانيتارييا تالابى ساقتالۋى تيٸس. ەلەۋمەتتٸك قاشىقتىقتى ساقتاۋ, كەلۋشٸلەر اعىنىن رەتتەۋ جەنە مٸندەتتٸ تٷردە ماسكا تاعۋ قاجەت.
«سپورتپەن شۇعىلدانۋعا رۇقسات ەتٸلدٸ. 30 ادامنان اسپايتىن ۇلتتىق قۇراما كوماندالارعا جاتتىعۋ ٶتكٸزۋگە بولادى. مۇندا جوعارىدا اتالعان سانيتارلىق تالاپتى ساقتاۋ قاجەت», - دەيدٸ ول.
سونىمەن قاتار, الماتىلىقتارعا ساياباقتارعا, الاڭدارعا, جاعالاۋعا, بارۋعا بولادى. بٸراق 1 مەترلٸك ەلەۋمەتتٸك قاشىقتىقتى قاداعالاۋ كەرەك.
