الماتى قالاسى بٸلٸم باسقارما باسشىسىنىڭ ورىنباسارى قايرات جۇمانوۆ ونلاين بريفينگ بارىسىندا 2020-2021 وقۋ جىلىندا 1-5 سىنىپ ارالىعىنداعى وقۋشىلاردى وقىتۋ فورماتى تۋرالى مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, الماتى قالاسىنىڭ باس مەملەكەتتٸك سانيتار دەرٸگەرٸنٸڭ 2021 جىلعى 2 ناۋرىزداعى №6 قاۋلىسىنا سەيكەس 1-5 سىنىپ وقۋشىلارى اتا-انالارىنىڭ ٶتٸنٸشٸ بويىنشا مەكتەپكە بارىپ وقيتىن بولدى. سىنىپتاعى بالالار سانى 25 ادامنان اسپاۋ كەرەك جەنە سانيتارلىق-ەپيدەمييالىق رەجيم قاتاڭ ساقتالۋى قاجەت. ال, حالىقارالىق مەكتەپتەردە 1-7 سىنىپتار ارالاس وقىتۋ فورماتىنا كٶشٸرٸلدٸ.
«قازٸر مەكتەپتەردە ارالاس وقىتۋعا 1-4 سىنىپتاردان - 19 050 وقۋشى, 5 سىنىپتىڭ – 1593 وقۋشىسى كٶشتٸ. بٸلٸم بەرۋ ۇيىمدارى ەكٸمشٸلٸگٸنٸڭ شەشٸمٸ بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا رۇقسات ەتٸلگەن,- دەدٸ قايرات جۇمانوۆ.
الماتىدا 287 مىڭنان استام وقۋشىنى قامتىپ وتىرعان 278 مەكتەپ بار. ونىڭ 207-سٸ مەملەكەتتٸك مەكتەپ بولسا, 71-ٸ جەكە مەنشٸك.
ايتا كەتسەك, 2020-2021 جىلعى وقۋ جىلى باستالعالى وقۋشىلاردىڭ باسىم كٶپشٸلٸگٸ پاندەميياعا بايلانىستى قاشىقتان وقىتۋ فورماتىندا بٸلٸم العان ەدٸ. تەك, اتا-انانىڭ ٶتٸنٸشٸ بويىنشا باستاۋىش سىنىپتاردا كەزەكشٸ توپتار اشىلعان. وقۋ جىلىنىڭ ەكٸنشٸ توقسانى اياقتالعاندا 9, 11 جەنە 12 سىنىپ وقۋشىلارىنا مەكتەپكە بارىپ وقۋعا رۇقسات بەرٸلدٸ.
«ايتا كەتەيٸك, مەكتەپتەردٸڭ قىزمەتٸ سانيتارلىق ەپيدەميولوگييالىق تالاپتاردى قاتاڭ ساقتاي وتىرىپ جٷزەگە اسىرىلادى. قالانىڭ بارلىق مەكتەپتەرٸ سانيتارلىق قاۋٸپسٸزدٸك دەزينفەكتسييالىق قۇرالدارىمەن (توننەلدەر, سانيتايزەرلەر, تەپلوۆيزورلار, اياق كيٸمگە ارنالعان كٸلەمشەلەرمەن 100% قامتاماسىز ەتٸلگەن», - دەيدٸ سپيكەر.
