الماتى زووباعى بولاشاقتا قالاي ٶزگەرەدٸ?

الماتى زووباعى جاڭا كەلبەتكە يە بولماق. نىساندى قايتا جاڭعىرتۋ ٷشٸن دەمەۋشٸلەر 223 ملن تەڭگە اۋداردى, دەپ حابارلايدى قازاقپارات تٸلشٸسٸ.

«زوولوگييالىق باقتٸ ٷلكەن ٶزگەرٸستەر كٷتٸپ تۇر. قازٸرگٸ تاڭدا جۇمىس باستالىپ كەتتٸ. زووباق باسشىلىعى كٷزدە قار بارىسىن قايتارۋ تۋرالى جاڭا باعدارلاما باستاماق. بۇل ٶزگەرٸستەردٸڭ العاشقىسى عانا», - دەدٸ زووباق باسشىسى ۆياچەسلاۆ بانششيكوۆ.

قايتا جاڭعىرۋ باعدارلاماسىنا قاراجاتتى كٶبٸنەسە بيزنەسمەندەر جٸبەرۋدە.

زووباق ديرەكتورى ۆياچەسلاۆ بانششيكوۆتىڭ باستاماسىمەن باق تەرريتوريياسى اباتتاندىرىلا باستادى. 10500 مەتر اسفالت, 6288 مەتر بورديۋر تٶسەلدٸ. بۇعان 57 ملن تەڭگە قاراجات جۇمسالدى. ورتالىقتا قۇنى 20 ملن تەڭگە بولاتىن قۇرعاق سۋبۇرقاق سالۋ جوسپارلانعان. قۇنى 3,5 ملن تەڭگە بولاتىن اسپاشامدار اۋىستىرىلدى. 35 كٶلٸك قارا توپىراق ەكەلٸندٸ.

جاقىن ارادا زووباقتا جاڭا مەديتسينالىق پۋنكت اشىلادى. وعان 3 ملن تەڭگە جۇمسالادى. سونىمەن قاتار, انا مەن بالا بٶلمەسٸ جاساقتالادى. وعان 4,4 ملن تەڭگە قاراستىرىلعان. زووباق كەلۋشٸلەرٸنە ارنالعان دەمالىس اۋماقتارى سالىنىپ, ول جەردە تەگٸن سۋ بەرٸلەدٸ.

زووباقتىڭ ينجەنەرلٸك جەلٸلەرٸ 30 جىلدان بەرٸ جاڭارتىلماعان. ولاردى اۋىستىرۋعا 41 ملن تەڭگە قاراستىرىلعان. ودان بٶلەك اننوتاتسييالىق-ەتيكەتكالاردى اۋىستىرۋعا, امفيتەاتر, كٸرەبەرٸس ديزاينىن جەتٸلدٸرۋگە قاراجات بار.

ايتا كەتسەك, بٷگٸندە زووباقتا 375 جانۋاردان 3447 تٷرٸ بار. جانۋارلار 6 ەكسپوزيتسيياعا بٶلٸنگەن. ونىڭ ٸشٸندە قازاقستان قىزىل كٸتابىنا ەنگەن 25 جانۋار كەزدەسەدٸ.