الماتى تۇرعىنى قۋات احمەتوۆ قالاداعى ٸرٸ ساۋدا دٷكەندەرٸنٸڭ بٸرٸ "ارزان" سۋپەرماركەتٸن سوتقا بەردٸ. شاعىم بەرۋشٸنٸڭ ايتۋىنشا, سۋپەرماركەت "تاۋارلاردىڭ اتاۋىن قازاق تٸلٸندە جازباي, ەسكەرتۋدٸ ورىنداماعان". 25 قازاندا ونىڭ شاعىمى بويىنشا الماتىنىڭ الاتاۋ اۋداندىق سوتىندا الدىن الا سوت تىڭداۋى ٶتتٸ.
- ادام سۋپەرماركەتكە كەلٸپ, تاۋار اتاۋىن مەملەكەتتٸك تٸلدە وقىعىسى كەلەدٸ. بٸراق قازاق تٸلٸندە ەشتەڭە جازىلماعان. بۇل دەگەن - ديسكريميناتسييا. نەگٸزٸ زاڭ بويىنشا, 102-گە زۆونداپ, سول جەرگە پوليتسييا كەلٸپ, ايىپپۇل سالۋعا مٸندەتتٸ. بٸراق بۇل زاڭداردىڭ بەرٸ ورىندالمايدى. پروكۋراتۋرا مەن ەكٸمدٸككە باردىم. ەڭ اياعىندا سۋپەرماركەت ەشتەڭەنٸ دە ٶزگەرتپەدٸ. ەرٸكسٸز سوتقا جٷگٸندٸم, - دەيدٸ احمەتوۆ.
"ارزان" سۋپەرماركەتٸنٸڭ يەسٸ "وپتوۆىي كلۋب" كومپانيياسىنىڭ ٶكٸلٸ جاسۇلان تيۋلكين بۇل مەسەلەنٸ تەحنيكالىق سەبەپپەن بايلانىستىرادى. ول "جۇمىس جاسالىپ جاتىر, باعدارلاما ەسكٸ, ونى جاڭارتۋ كەرەك" دەدٸ.
احمەتوۆتٸڭ شاعىمى بويىنشا ٶتكەن الاتاۋ اۋداندىق سوتىنداعى العاشقى وتىرىستا سۋديا دەۋرەن ايقۇلوۆ ٸستٸ المالى اۋداندىق سوتىنىڭ قاراۋىنا بەرەتٸنٸن مەلٸمدەدٸ. سەبەبٸ, ساۋدا ورتالىعىنىڭ يەسٸ "وپتوۆىي كلۋب" كومپانيياسىنىڭ زاڭدى مەكەنجايى سول اۋداندا ورنالاسقان.
ازاتتىق تٸلشٸسٸ "ارزان" سۋپەرماركەتٸنە دە بارىپ قايتتى. ساۋدا ورتالىعىندا ساتۋعا قويىلعان تاۋار اتتارى ورىس تٸلٸندە جازىلىپ تۇر.
قازاقستاننىڭ "تۇتىنۋشىلار قۇقىعىن قورعاۋ تۋرالى" زاڭى بويىنشا, تاۋار جايلى قازاق تٸلٸندە دە اقپارات بەرۋ – ساتۋشىنىڭ مٸندەتٸ. قازاقستاندا مەملەكەتتٸك تٸل - قازاق تٸلٸ. بٸراق ورىس تٸلٸنٸڭ دە رەسمي قارىم-قاتىناس رەتٸندە قولدانىس اياسى كەڭ.
