الماتىدا بارلىق پروبلەمالىق ۋچاسكەلەردٸ ارالاۋ بارىسىندا 600-دەن استام جۇمىس ٸستەمەيتٸن كٶشە جارىعى انىقتالدى, دەپ حابارلايدى "ۇلت اقپارات".
الماتى ەكٸمٸنٸڭ ايتۋىنشا, قالانى جارىقتاندىرۋ جٶنٸندە تاراعان اقپاراتتان سوڭ قالالىقتاردان ورىن العان كەمشٸلٸكتەر تۋرالى كٶپتەگەن حابارلاما كەلٸپ تٷسكەن.
«كەي جەرلەرگە باعانالار ورناتىلعانىمەن, شامدار ٸلٸنبەگەن, كەي جەرلەردە جارىق جانبايدى. ٶتكەن اپتادا بارلىق پروبلەمالى ۋچاسكەلەردٸ ارالاعان كەزدە 622 ٸستەن شىققان جارىق كٶزٸ انىقتالدى.
بٷگٸنگٸ كٷنٸ 529 شام جٶندەلدٸ. ەلەۋمەتتٸك جەلٸلەردەگٸ بٸزدٸڭ رەسمي اككاۋنتارىمىزعا كەلٸپ تٷسكەن ازاماتتاردىڭ ٶتٸنٸشتەرٸ بويىنشا جاڭا جارىق نٷكتەلەرٸن تارتۋ باعىتتارىنا مونيتورينگ جٷرگٸزٸلۋدە», - دەپ جازدى باقىتجان ساعىنتاەۆ Instagram-داعى پاراقشاسىندا.
سونداي-اق, قالا باسشىسى باقىلاۋدى كٷشەيتٸپ, كٷندەلٸكتٸ مونيتورينگ جٷرگٸزۋدٸ جالعاستىراتىندارىن اتاپ ٶتتٸ.
«مەگاپوليستٸڭ تىنىس-تٸرشٸلٸگٸنٸڭ بارلىق سالالارىنا جاۋاپكەرشٸلٸگٸ مول قىزمەت كٶرسەتۋشٸلەر قاجەت. قالالىقتارعا شاھاردى اباتتاندىرۋعا قاتىسقاندارى ٷشٸن العىس بٸلدٸرەمٸن», - دەدٸ ول.
