فوتو: Polisia.kz
الماتى پوليتسيياسى كٷشەيتٸلگەن جۇمىس رەجيمٸنە ٶتتٸ, – دەپ حابارلايدى Polisia.kz.
قازاقستان رەسپۋبليكاسىنىڭ تەۋەلسٸزدٸك كٷنٸن مەرەكەلەۋ كەزٸندە قوعامدىق تەرتٸپتٸ قامتاماسىز ەتۋ, قىلمىستاردىڭ, سونداي-اق باسقا دا زاڭسىز ەرەكەتتەردٸڭ دەر كەزٸندە الدىن الۋ جەنە جولىن كەسۋ ماقساتىندا الماتى پوليتسيياسى كٷشەيتٸلگەن قىزمەت تٷرٸنە كٶشٸرٸلدٸ.
وسىعان وراي, الماتى قالالىق پوليتسييا دەپارتامەنتٸنٸڭ باستىعى ارىستانعاني زاپپاروۆ الماتى گارنيزونىنىڭ بٸرىڭعاي ساپتٷزەۋٸن جٷرگٸزدٸ.
"تەۋەلسٸزدٸك كٷنٸ – وراسان زور كٷش-جٸگەردٸڭ ارقاسىندا وسى مەڭگٸلٸك قۇندىلىققا قول جەتكٸزگەن كٶپتەگەن ۇرپاقتارعا كٶرسەتٸلگەن قۇرمەت. بٸزدٸڭ الدىمىزدا قوعامدىق تەرتٸپ پەن ازاماتتاردىڭ قاۋٸپسٸزدٸگٸن قامتاماسىز ەتۋ ماڭىزدى مٸندەتٸ تۇر. بۇل – بٸزدٸڭ كونستيتۋتسييالىق جەنە كەسٸبي پارىزىمىز, ال ونى جوعارى ۇيىمداستىرۋشىلىقپەن جەنە ساپالى دەڭگەيدە ورىنداۋ – دەپارتامەنت ورگاندارى مەن بٶلٸمشەلەرٸنٸڭ بارلىق قىزمەتكەرلەرٸنٸڭ ابىرويلى مٸندەتٸ. ەربٸر پوليتسييا قىزمەتكەرٸ قىلمىسپەن جەنە قۇقىق بۇزۋشىلىقپەن كٷرەس زاڭدىلىقتى قاتاڭ ساقتاۋعا نەگٸزدەلگەنٸن ەستە ۇستاۋى كەرەك. مەملەكەتتٸلٸك بٸزگە بولاشاققا باتىلدىقپەن قاراۋعا, بولاشاعىمىزدى ايقىن كٶرۋگە مٷمكٸندٸك بەردٸ", – دەدٸ ارىستانعاني زاپپاروۆ.
سونداي-اق قالالىق پد باسشىسى پوليتسييا جۇمىسىنىڭ ساپاسىن ارتتىرۋعا كٶمەكتەسەتٸن ٸشكٸ ٸستەر مينيسترلٸگٸنٸڭ قىزمەتتٸڭ سەرۆيستٸك مودەلٸنە كٶشۋ جٶنٸندەگٸ باسىم تۇجىرىمدامالارىنىڭ بٸرٸن جٷزەگە اسىرۋعا ەرەكشە نازار اۋداردى.
"قالاداعى تەرتٸپ پەن ازاماتتاردىڭ اماندىعى پوليتسييانىڭ قالاي جۇمىس ٸستەيتٸنٸنە بايلانىستى. تەرتٸپ ساقشىلارىنىڭ قوعاممەن تىعىز بايلانىستا بولۋى ٶتە ماڭىزدى. ال ماتەريالدىق-تەحنيكالىق بازا مەن مەملەكەتتٸك ەلەۋمەتتٸك قولداۋ ولاردىڭ وقيعالاردان قالىسپاي, قىلمىسقا قارسى تۇرۋىنا مٷمكٸندٸك بەرەدٸ. مەرەكە قارساڭىندا جەكە قۇرامعا زور دەنساۋلىق, باقىت, وتباسىلىق اماندىق جەنە زاڭدىلىق پەن قۇقىق تەرتٸبٸن قامتاماسىز ەتۋ جەنە قىلمىسقا قارسى كٷرەستە سارقىلماس كٷش-قۋات تٸلەيمٸن", – دەدٸ ارىستانعاني زاپپاروۆ.
ساپتىق تەكسەرۋ بارىسىندا الدىڭعى ساپتاعى بٶلٸمشە قىزمەتكەرلەرٸنٸڭ كيٸم-كەشەكتەرٸ, كٶلٸكتەردٸڭ جاعدايى, تەحنيكالىق جابدىقتارى تەكسەرٸلدٸ. سونىمەن قاتار قالاداعى قوعامدىق تەرتٸپتٸ قورعاۋدى كٷن سايىن قولعا الاتىن پاترۋلدٸك پوليتسييا پولكٸنٸڭ, مامانداندىرىلعان باتالوننىڭ جاساقتارى, ۋچاسكەلٸك ينسپەكتورلار, جقاج قىزمەتكەرلەرٸ, ۇلتتىق ۇلان ساربازدارى كومانديرلەردٸڭ باعىت-باعدارى مەن نۇسقاۋلارىن تىڭدادى.
ال, قىزمەتٸندە جوعارى كٶرسەتكٸشتەرگە قول جەتكٸزگەن, ٶز ٸسٸنٸڭ كەسٸبي مامانى دەپ تانىلعان پوليتسييا قىزمەتكەرلەرٸن تەۋەلسٸزدٸك كٷنٸ مەرەكەسٸنە وراي پوليتسييا دەپارتامەنتٸ باسشىلىعى ماراپاتتادى.
