ۆيدەو كادرى
الماتى-ٶسكەمەن تاس جولىندا 7 كٶلٸكتٸ تيەپ كەلە جاتقان ترانسپورت اۋدارىلدى, دەپ حابارلايدى قازاقپارات.
«21 مامىردا الماتى-ٶسكەمەن تاس جولىنىڭ 143 شاقىرىمىندا Scania كٶلٸگٸنٸڭ قاتىسۋىمەن جول-كٶلٸك اپاتى بولدى. ٷلكەن جٷك تاسۋشى ترانسپورت 7 Tesla كٶلٸگٸن تاسىمالداپ بارا جاتقان. كٶلٸك اپاتىنان جول قوزعالىسىنا كەدەرگٸ كەلتٸرٸلگەن جوق. رەسپۋبليكالىق تراسسا قالىپتى رەجيمدە جۇمىس ٸستەپ تۇر», - دەلٸنگەن جەتٸسۋ وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاماسىندا.
ايتا كەتەيٸك, اپاتقا ۇشىراعان كٶلٸكتٸ 39 جاستاعى جٷرگٸزۋشٸ تٸزگٸندەگەن. ول الماتى قالاسىنا قاراي باعىت الىپ بارا جاتقان. كٶلٸك اپاتى ارقارلى اسۋىنىڭ ماڭىندا بولعان.
