الماتى ورتالىق مەشٸتٸندە «كٷشٸمٸز – بٸرلٸكتە» قايىرىمدىلىق شاراسى ٶتتٸ, دەپ حابارلايدى قازاقپارات.
قايىرىمدىلىق اكتسيياسى اياسىندا 1 مىڭ مۇقتاج وتباسىعا كٶمەك كٶرسەتٸلدٸ. ەربٸر وتباسىعا قاجەتتٸ ازىق-تٷلٸكتەر سالىنعان قوراپتار تاراتىلدى.
شاراعا قاتىسقان باس مٷفتي ناۋرىزباي قاجى تاعانۇلى قايىرىمدىلىق شاراسىن ۇيىمداستىرۋ سەبەبٸن ايتتى.
«دٸني باسقارمانىڭ جۇمىس باعىتىنىڭ بٸرٸ – قايىرىمدىلىق كٶرسەتۋ. جۋىردا مەملەكەت باسشىسى قاسىم-جومارت توقاەۆتىڭ باستاماسىمەن «قازاقستان حالقىنا» قوعامدىق ەلەۋمەتتٸك قورى قۇرىلدى. دٸن قىزمەتكەرلەرٸ دە قولداۋ كٶرسەتۋدٸ باستادى. وسى رەتتە سابىر مەن تۇراقتىلىق بٸزدٸڭ تابان تٸرەيتٸن تۇعىرىمىز بولۋى تيٸس. بۇل قيىندىق تا ٶتەر, كەتەر. بٸراق, بٸزدٸڭ سابىرىمىز, بٸرلٸگٸمٸز, بەرەكەمٸز كەتپەۋٸ كەرەك», - دەپ اتاپ ٶتتٸ ناۋرىزباي قاجى تاعانۇلى.
ايتا كەتەيٸك, قايىرىمدىلىق شاراسى بارىسىندا مەشٸتكە تٸركەلگەن وتباسىلار كەلٸپ, باس مٷفتيدٸڭ قولىنان قاجەتتٸ ازىق-تٷلٸكتەر الدى. قمدب تٶراعاسى مۇنداي يگٸ ٸستەردٸڭ جىل بويى جالعاساتىنىن جەتكٸزدٸ.
سونداي-اق بٷگٸن الماتىدا باس مٷفتي قايعىلى وقيعا كەزٸندە قازا تاپقان ازاماتتاردىڭ وتباسىلارىنا بارىپ, كٶڭٸل ايتتى.
