فوتو: كايرات كونۋسپاەۆ
الماتىدا 2 مىڭنان استام قوعامدىق تاماقتانۋ نىساندارى بار, ونىڭ ٸشٸندە مەيرامحانالار, كافەلەر مەن اسحانالار. سوڭعى جىلدارى تاماقتانۋ سالاسىندا تۇراقتى ٶسٸم بايقالىپ, قولجەتٸمدٸ اسحانالار مەن شاعىن دەمحانالار كٶبەيدٸ. 2021 جىلدىڭ بٸرٸنشٸ جارتىجىلدىعىندا تاماق ٶنٸمدەرٸ مەن سۋسىندار قىزمەتتەرٸن كٶرسەتۋدەن تٷسكەن سالىق تٷسٸمدەرٸ 1,8 ملرد تەڭگەنٸ قۇرادى. 2022 جىلى ولار ەكٸ ەسەگە جۋىق – 3,4 ميلليارد تەڭگەگە, ال 2023 جىلى ودان دا ارتىپ, 7,1 ميلليارد تەڭگەگە جەتتٸ. 2024 جىلدىڭ بٸرٸنشٸ جارتىجىلدىعىندا كٸرٸستەر 12,7 ملرد تەڭگەنٸ قۇرادى, بۇل تۇراقتى وڭ ديناميكانىڭ ارتقانىن بايقاتادى. بۇل تۋرالى الماتىدا ٶتكەن «الماتى ورتالىق ازييانىڭ گاسترونومييالىق استاناسى رەتٸندە: تۋريستەر ٷشٸن جاڭا كٶكجيەكتەر» اتتى باسپاسٶز كونفەرەنتسيسىندا ايتىلدى دەپ حابارلايدى Ult.kz تٸلشٸسٸ.
جيىندا الماتى تۋريزم بيۋروسىنىڭ PR-مەنەدجەرٸ جانار نۇرلىبەك اتقارىلعان جۇمىستار, الداعى جوسپارلار تۋرالى اقپارات بەرٸپ, سونىمەن قاتار تۋريستەردٸڭ پٸكٸرٸ مەن قىزىعۋشىلىعىن كٶرسەتەتٸن ساندار مەن دەرەكتەردٸ بٶلٸستٸ.
«الماتىنىڭ گاسترونومييالىق جەنە بار ساحناسىنىڭ جوعارى دەڭگەيٸنٸڭ ماڭىزدى دەلەلٸ جەرگٸلٸكتٸ شاراپ بارلارى مەن مەيرامحانالارىنىڭ Star Wine List حالىقارالىق گيد - ەلەمدەگٸ ەڭ جاقسى شاراپ مەكەمەلەرٸن كٶرسەتەتٸن بەدەلدٸ گيدكە قوسىلۋى بولدى. گيد كارتادا قازٸر الماتىداعى سەگٸز بار مەن مەيرامحانا جەنە استاناداعى بٸر مەكەمە بار, بۇل شاراپ مەدەنيەتٸن دامىتۋدا وڭتٷستٸك استانانىڭ كٶشباسشىلىعىن اتاپ كٶرسەتەدٸ.
گيد قالا بويىنشا گاسترو-تۋرلاردىڭ دايىن ستسەنارييلەرٸن, سونداي-اق تاعامدار مەن تالعامداردىڭ ەرتٷرلٸلٸگٸن كٶرسەتەتٸن مەكەمەلەردٸڭ تٸزٸمدەرٸن قامتيدى. سونىمەن قاتار, الماتىنىڭ بٸر بٶلٸگٸن ٷيٸڭٸزگە الىپ كەتۋٸڭٸز ٷشٸن مٸندەتتٸ تٷردە تاتىپ كٶرۋگە تۇرارلىق جەرگٸلٸكتٸ تاعامدارعا جەنە گاستروسۋۆەنيرلەرگە ەرەكشە نازار اۋدارىلادى.
بٸز الماتىداعى گاسترونومييانى دامىتۋ ماقساتىندا ارنايى ماستەر-كلاسس ٶتكٸزٸپ ەلەۋمەتتٸك جەلٸدە 628 150 كٶرەرمەننٸڭ نازارىن اۋداردىق. بۇل شارالار جەرگٸلٸكتٸ تۇرعىنداردىڭ دا, ەلەمنٸڭ تٷكپٸر-تٷكپٸرٸنەن كەلگەن تۋريستەردٸڭ دە قىزىعۋشىلىعىن ارتتىردى»,- دەدٸ جانار نۇرلىبەك.
ال جيىندا سٶز العان ابر بٸلٸم بەرۋ باعدارلامالارى بٶلٸمٸنٸڭ باسشىسى جاننا باحمۋتوۆانىڭ ايتۋىنشا, ەلٸمٸزدە ەتنومەدەني اسحانانى دامىتۋ قولعا الىنىپ جاتىر. سپيكەر الداعى ۋاقىتتا قازاق اسحاناسىن ەلەمدٸك دەڭگەيگە جەتكٸزۋ ٷشٸن جۇمىستار جاسالىپ جاتقانىن ايتتى.
«تۋريستەر ۇلتتىق جەنە حالىقارالىق تاعامداردىڭ كەڭ تاڭداۋىن جاساعىسى كەلەدٸ. بٸزدٸڭ «نەو-كٶشپەلٸ تاعامدار» جەنە دەستٷرلٸ كٶشپەلٸ رەتسەپتتەر سيياقتى ترەندتەر ەلەمنٸڭ تٷكپٸر-تٷكپٸرٸنەن كەلگەن تاعامداردى ۇناتاتىندار اراسىندا تانىمال بولۋدا. بٸز قازاق تاعامدارىن تەرەڭٸرەك زەرتتەپ, ناقتى رەتسەبٸن الۋ ٷشٸن ەلٸمٸزدٸڭ ەر ايماعىنان دەرەكتەر جينادىق. ەتنوگرافتار مەن تاريحشىلارمەن كەزدەستٸك. قازٸرگٸ تاڭدا الماتىدا «اۋىل», «تٶر» , «ساندىق» سىندى ۇلتتىق باعىتتاعى رەستوراندار بار. بٸز ولاردىڭ تانىمالدىعىن ارتتىرۋ باعىتىندا جۇمىس جاساپ جاتىرمىز»,- دەدٸ جاننا باحمۋتوۆا.
الماتىنىڭ بار يندۋستريياسىنىڭ ەرتٷرلٸلٸگٸ مەن جوعارى دەڭگەيٸن كٶرسەتۋ ماقساتىندا الماتى تۋريزم بيۋروسى سەرٸكتەستەرمەن بٸرلەسٸپ, 2GIS پلاتفورماسىندا جارييالانعان ارنايى ٸرٸكتەۋ دايىندادى. بۇل تانىمدىق كارتا قوناقتار مەن قالا تۇرعىندارىن الماتىنىڭ ەڭ جاقسى بارلارى مەن مەيرامحانالارىمەن تانىستىرادى.
