الماتى وبلىسى قاپشاعاي قالاسىنىڭ زارەچنىي كەنتٸنە كارانتين رەجيمٸ ەنگٸزٸلدٸ, دەپ حابارلايدى "ۇلت اقپارات" ٶڭٸر ەكٸمٸنٸڭ باسپاسٶز قىزمەتٸنە سٸلتەمە جاساپ.
بٷگٸن, ساعات 13.20-داعى سوڭعى مەلٸمەت بويىنشا, قازاقستاندا كوروناۆيرۋس جۇقتىرعان تاعى 68 ادام انىقتالدى. ونىڭ ٸشٸندە 13 ناۋقاس الماتى وبلىسىنىڭ قاپشاعاي قالاسىندا تٸركەلدٸ. ولاردىڭ 5-ەۋٸ قاپشاعاي قالاسىندا, 6-اۋى زارەچنىي اۋىلىندا انىقتالسا, 2-ەۋٸ – اتىراۋدان جەتكٸزٸلگەن «تەڭٸزشەۆرويل» جشس-نىڭ ۆاحتالىق جۇمىسشىلارى. اۋىرعانداردىڭ ٷلكەنٸ 62 جاستا بولسا, كٸشٸسٸ - 9 ايلىق بالا.
وسى كٷنگە دەيٸن قاپشاعاي ٶڭٸرٸندە جالپى سانى 15 ادام تٸركەلٸپ وتىر. وسىعان بايلانىستى قاپشاعاي قالالىق شتابتىڭ شەشٸمٸمەن زارەچنىي كەنتٸنە بٷگٸننەن باستاپ كارانتين رەجيمٸ ەنگٸزٸلدٸ.
«انىقتالعان ناۋقاستاردىڭ بارلىعى تيٸستٸ ەم الۋ ٷشٸن مەديتسينا ماماندارىنىڭ باقىلاۋىنا الىندى. ولارمەن بايلانىستا بولعان 187 ادام انىقتالدى, ونىڭ 24-ٸ – جاقىن بايلانىس جاساعاندار, 163-ٸ – سىرتتاي قارىم-قاتىناستا بولعاندار. بارلىعى وقشاۋلاندىرىلىپ, ەپيدەميولوگييالىق تەكسەرۋلەر جٷرگٸزٸلۋدە», - دەلٸنگەن وبلىس ەكٸمدٸگٸنٸڭ اقپاراتىندا. .
