الماتى وبلىسىنىڭ ورمان القابىنداعى ٶرت وشاعىنىڭ كٶپ بٶلٸگٸ سٶندٸرٸلدٸ, دەپ حابارلايدى "ۇلت اقپارات" قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
14-15 سەۋٸردە الماتى وبلىسى بالقاش اۋدانىندا بولعان ٶرت «كٷرتٸ ورمان شارۋاشىلىعى» كمم تاۋقۇم ورمانشىلىعىنىڭ, «باقاناس» كمم كٶكتال جەنە اقكٶل ورمانشىلىعىنىڭ, سونداي-اق ٸلە-بالقاش مەملەكەتتٸك تابيعي رەزەرۆاتىنىڭ اۋماقتارىن قامتىدى.
تاۋقۇم ورمانشىلىعى اۋماعىندا ٶرت 15 سەۋٸر كٷنٸ كەشكە توقتاتىلدى. وقيعا ورنىندا ٶرتتٸ تولىق وقشاۋلاۋ بويىنشا جۇمىس جٷرگٸزٸلٸپ جاتىر. وعان مەملەكەتتٸك ورمان كٷزەتٸنەن 24 ادام, ٶرت سٶندٸرۋ كٶلٸگٸ, تراكتور, 3 جەڭٸل اۆتوكٶلٸك, اۋداندىق تج بٶلٸمٸنەن 6 ادام جەنە جەڭٸل اۆتو قاتىستى.
كٶكتال ورمانشىلىعىندا دا ٶرت توقتاتىلدى. ٶرتتٸ سٶندٸرۋگە اۋداندىق تج بٶلٸمٸنەن 22 ادام, مەملەكەتتٸك ورمان كٷزەتٸنەن 2 ٶرت سٶندٸرۋ ماشيناسى, تراكتور, 4 پاترۋلدٸك كٶلٸك, اۋداندىق تج بٶلٸمٸنەن 5 ادام جەنە ٶرت سٶندٸرۋ كٶلٸگٸ جۇمىلدىرىلدى.
اقكٶل ورمانشىلىعىندا ٶرت «قازاۆياورمانقورعاۋ» رمقك 7 ادام جەنە اۋداندىق وكرۋگتەن 3 ادام كٷشٸمەن سٶندٸرٸلدٸ.
سونىمەن قاتار, ٸلە-بالقاش مەملەكەتتٸك تابيعي رەزەرۆاتىنىڭ اۋماعىندا, بالقاش ماڭىندا, قاراعاندى وبلىسىمەن شەكتەسەتٸن ۇزىنارال ارالىندا ٶرت بايقالادى. ونى سٶندٸرۋگە 24 ادام مەن 4 اۆتوكٶلٸك جۇمىلدىرىلعان.
ٸلە-بالقاش متر بالقاش ماڭى فيليالىنا شەكارالاس قاراعاندى وبلىسىمەن شەكتەسەتٸن ۇزىنارال ارالى ٶرتەنٸپ جاتىر. ٶرتتٸ توقتاتۋ جۇمىستارىن 24 ادام, 4 اۆتوكٶلٸك جٷرگٸزۋدە.
ٸلە ساعاسى فيليالىنداعى ٶرت توقتاتىلىپ, ٶرتتٸ جويۋ جۇمىستارى جالعاستىرىلۋدا, ٶرتەنٸپ جاتقان جەر قامىستى, سۋلى-باتپاقتى, جولسىز اۋماقتار بولعاندىقتان تەحنيكانىڭ, ادام كٷشٸنٸڭ ٶرت اۋماعىنا تٸكەلەي كٸرٸپ, تولىق ٶشٸرۋٸنە مٷمكٸندٸك بەرمەۋدە.
ٶرتتٸ سٶندٸرۋ كەزٸندە ادامداردىڭ جاراقاتتانۋى مەن شىعىنى بولعان جوق.
ۆەدومستۆونىڭ حابارلاۋىنشا, ٶرت كٶلەمٸ جەنە كەلتٸرٸلگەن زالال تۋرالى اقپارات ناقتىلانادى.
ەسكە سالا كەتسەك, الماتى وبلىسىندا بالقاش كٶلٸنٸڭ جاعالاۋىنداعى قامىس ٶرتەنٸپ, سالدارىنان بالىق شارۋاشىلىعىنا زييان كەلٸپ, بٸر ادام زارداپ شەككەن ەدٸ.
