Almaty oblysynyń orman alqabyndaǵy órt oshaǵynyń kóp bóligi sóndirildi, dep habarlaidy "Ult aqparat" QR Ekologiia, geologiia jáne tabiǵi resýrstar ministrliginiń baspasóz qyzmetine silteme jasap.
14-15 sáýirde Almaty oblysy Balqash aýdanynda bolǵan órt «Kúrti orman sharýashylyǵy» KMM Taýqum ormanshylyǵynyń, «Baqanas» KMM Kóktal jáne Aqkól ormanshylyǵynyń, sondai-aq Ile-Balqash memlekettik tabiǵi rezervatynyń aýmaqtaryn qamtydy.
Taýqum ormanshylyǵy aýmaǵynda órt 15 sáýir kúni keshke toqtatyldy. Oqiǵa ornynda órtti tolyq oqshaýlaý boiynsha jumys júrgizilip jatyr. Oǵan memlekettik orman kúzetinen 24 adam, órt sóndirý kóligi, traktor, 3 jeńil avtokólik, aýdandyq TJ bóliminen 6 adam jáne jeńil avto qatysty.
Kóktal ormanshylyǵynda da órt toqtatyldy. Órtti sóndirýge aýdandyq TJ bóliminen 22 adam, memlekettik orman kúzetinen 2 órt sóndirý mashinasy, traktor, 4 patrýldik kólik, aýdandyq TJ bóliminen 5 adam jáne órt sóndirý kóligi jumyldyryldy.
Aqkól ormanshylyǵynda órt «Qazaviaormanqorǵaý» RMQK 7 adam jáne aýdandyq okrýgten 3 adam kúshimen sóndirildi.
Sonymen qatar, Ile-Balqash memlekettik tabiǵi rezervatynyń aýmaǵynda, Balqash mańynda, Qaraǵandy oblysymen shektesetin Uzynaral aralynda órt baiqalady. Ony sóndirýge 24 adam men 4 avtokólik jumyldyrylǵan.
Ile-Balqash MTR Balqash mańy filialyna shekaralas Qaraǵandy oblysymen shektesetin Uzynaral araly órtenip jatyr. Órtti toqtatý jumystaryn 24 adam, 4 avtokólik júrgizýde.
Ile saǵasy filialyndaǵy órt toqtatylyp, órtti joiý jumystary jalǵastyrylýda, órtenip jatqan jer qamysty, sýly-batpaqty, jolsyz aýmaqtar bolǵandyqtan tehnikanyń, adam kúshiniń órt aýmaǵyna tikelei kirip, tolyq óshirýine múmkindik bermeýde.
Órtti sóndirý kezinde adamdardyń jaraqattanýy men shyǵyny bolǵan joq.
Vedomstvonyń habarlaýynsha, órt kólemi jáne keltirilgen zalal týraly aqparat naqtylanady.
Eske sala ketsek, Almaty oblysynda Balqash kóliniń jaǵalaýyndaǵy qamys órtenip, saldarynan balyq sharýashylyǵyna ziian kelip, bir adam zardap shekken edi.
