2020 جىلعا قاراي الماتى وبلىسىنىڭ كٶلٸك ينفراقۇرىلىمى تولىقتاي شەشٸمٸن تابادى. وسى ماقساتقا 400 ملرد تەڭگەدەن استام قارجى جۇمساۋ جوسپارلانۋدا. بۇل جٶنٸندە الماتى وبلىسىنداعى ٸسساپار بارىسىندا بٸرٸنشٸ ۆيتسە-پرەمەر اسقار مامين مەلٸم ەتتٸ, دەپ حابارلايدى قازاقپارات تٸلشٸسٸ.
بٷگٸندە الماتى-تالدىقورعان تاس جولىنىڭ قۇرىلىسى اياقتالۋعا جاقىن.
«مەگاپوليس پەن وبلىس ورتالىعىنىڭ ارا قاشىقتىعى جاقىنداي تٷستٸ. بۇعان دەيٸن جولاۋشىلار 5 ساعاتتان ارتىق جول جٷرسە, قازٸر جولدىڭ اراقاشىقتىعى 2-2,5 ساعاتقا دەيٸن قىسقاردى», - دەپ اتقارىلىپ جاتقان جۇمىستاردىڭ جاي-جاپسارىمەن اماندىق باتالوۆ تانىستىردى.
ٶز كەزەگٸندە اسقار مامين «الماتى-تالدىقورعان» تاس جولىنىڭ اياقتالىپ, حالىقتىڭ يگٸلٸگٸنە بەرٸلۋٸ تەۋەلسٸزدٸكتٸڭ 25 جىلدىعىنا تاماشا تارتۋ ەكەنٸن اتاپ ٶتتٸ. قازٸرگٸ تاڭدا «نۇرلى جول» باعدارلاماسى اياسىندا الماتى-ٶسكەمەن تاس جولىنىڭ 112 شاقىرىمىنا قۇرىلىس جۇمىستارى جٷرگٸزٸلۋدە. 3 مەردٸگەر كومپانييا, 750-گە جۋىق تەحنيكا مەن 1300-گە تارتا ادام ەڭبەك ەتۋدە.
اتالعان جوبالاردىڭ جٷزەگە اسۋىنا 20,2 ملرد. تەڭگەدەن استام قارجى بٶلٸندٸ. ساپار بارىسىندا پرەمەر-مينيستردٸڭ بٸرٸنشٸ ورىنباسارى تالدىقورعان قالاسىنداعى 7-ىقشام اۋداندا دا بولدى. جاڭادان بوي كٶتەرگەن ايماقتا بٸرنەشە نىساندار سالىنۋدا. الداعى ۋاقىتتا 1200 وقۋشىعا ارنالعان مەكتەپتٸڭ قۇرىلىسى باستالادى. جالپى, جاڭا ىقشام اۋدانداردا 21 مىڭنان اسا حالىق تۇرادى دەپ كٷتٸلۋدە. ال قازٸر تالدىقورعاندىقتاردىڭ سانى 168 مىڭعا جۋىقتاپ قالدى.
