جەتٸسۋلىقتار قۋاڭشىلىقتان زارداپ شەگٸپ وتىرعان ماڭعىستاۋ ٶڭٸرٸنە مال ازىعىن جٶنەلتتٸ, دەپ حابارلايدى "ۇلت اقپارات".
ەسكەلدٸ اۋدانىنا قاراستى بٸرنەشە ەلدٸ مەكەن تۇرعىندارى بٸرٸگٸپ, بيىل شابىلعان كٶپجىلدىق شٶپتٸڭ بەس ۆاگونىن لىق تولتىرىپ جٸبەردٸ. بۇل شامامەن 70 توننا ازىق. بٸرلٸگٸ جاراسقان اۋىل حالقى الداعى ۋاقىتتا تاعى دا شٶپ جيناپ جٶنەلتۋگە دايىن. بيىل اۋدان شارۋالارى 5400 گەكتارعا جوڭىشقا سەۋٸپ, شٶپ ورۋ ناۋقانىن ويداعىداي ٶتكٸزٸپ كەلەدٸ.
«اۋىلداعى حالىقتا مالدان باسقا نە بار? مالىنان ايىرىلدى دەگەن سٶز, جانىنان ايىرىلدى دەگەنمەن بٸردەي. سوعان ەلٸم دەپ, وسىنداي ازاماتتار بٸر جاعادان باس, بٸر جەڭنەن قول شىعارىپ, اتالارىمىز, ٸنٸلەرٸمٸز وسىلاي بٸرٸگٸپ جاتىرمىز», - دەدٸ ەسكەلدٸ اۋدانىنا قاراستى قاينارلى اۋىلىنىڭ تۇرعىنى شالقار بەكەن.
