الماتى وبلىسىنىڭ قاراساي اۋدانىنا قاراستى رايىمبەك اۋىلىنداعى گازبەتوندى بلوك شىعاراتىن تسەحتا بولعان جارىلىس بويىنشا قىلمىستىق ٸس قوزعالدى, دەپ حابارلايدى قازاقپارات.
«وسى فاكتٸ بويىنشا قر قك 156 بابى «ەڭبەكتi قورعاۋ قاعيدالارىن بۇزۋ» 3-بٶلٸگٸ بويىنشا ٸس قوزعالىپ, تەرگەۋ جٷرٸپ جاتىر. اتالعان فاكتٸ الماتى وبلىسىنداعى پوليتسييا دەپارتامەنتٸ باسشىلىعىنىڭ قاتاڭ باقىلاۋىندا», - دەدٸ الماتى وبلىستىق پوليتسييا دەپارتامەنتٸندەگٸ باسپاسٶز قىزمەتٸنٸڭ جەتەكشٸسٸ سەرگەي نەزناەۆ.
اتالعان قىلمىستىق كودەكستٸڭ وسى بابىنا سەيكەس, كٸنەلٸ ادام بەلگٸلٸ بٸر لاۋازىمدى اتقارۋ قۇقىعىنان 3 جىلعا دەيٸن ايىرىلىپ, بەس جىلعا دەيٸن باس بوستاندىعىنان شەكتەلەدٸ. نەمەسە دەل وسى مەرزٸمگە باس بوستاندىعىنان ايىرىلادى.
ەسكە سالساق, 31 تامىز كٷنٸ قاراساي اۋدانىنىڭ رايىمبەك اۋىلىندا گازبەتوندى بلوك شىعاراتىن تسەحتا جارىلىس بولدى. سالدارىنان تسەح ٸشٸنارا بۇزىلىپ, تٷتٸن شىعاتىن قۇبىردىڭ بٸر بٶلٸگٸ جەكە تۇرعىن ٷي سەكتورىنىڭ اۋماعىنا ۇشىپ تٷسكەن. جارىلىس ورنىندا 1961 جىلعى ەر ادامنىڭ دەنەسٸ تابىلدى. اۋداندىق اۋرۋحاناعا ەرتٷرلٸ جاراقاتپەن ەكٸ ادام جەتكٸزٸلگەن ەدٸ. اۋرۋحاناعا جەتكٸزٸلگەن 1981 جىلعى ناۋقاس جانساقتاۋ بٶلٸمٸندە 31 تامىز كٷنٸ كەشكٸ ساعات 20:20 دا قايتىس بولدى. الماتى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنٸڭ حاتشىسى لەيلٸم ەۋبەكٸروۆانىڭ سٶزٸنشە, اۋرۋحانادا جاتقان 1984 جىلعى ازاماتتىڭ دا جاعدايى اۋىر. ول تراۆماتولوگييا بٶلٸمٸنەن جانساقتاۋ بٶلٸمٸنە اۋىستىرىلعان.
