الماتى وبلىسىندا كٶز جۇمعان 14 جاستاعى جاسٶسپٸرٸمنٸڭ تۋىستارى ونىڭ ٶلٸمٸنە ەلٸمجەتتٸك سەبەپ بولدى دەيدٸ, - دەپ حابارلايدى "ۇلت اقپارات" كتك تەلەارناسىنا سٸلتەمە جاساپ.
ولار جاسٶسپٸرٸمدٸ جوعارعى سىنىپتىڭ وقۋشىلارى مەن ستۋدەنتتەر سوققىعا جىققان دەپ وتىر. تۋىستارىنىڭ سٶزٸنشە, اۋىلدىڭ سوتقارلارى ٶزٸنەن جاسى كٸشٸ بالالاردان ٷنەمٸ اقشا جيناپ كٷش كٶرسەتەدٸ ەكەن.
ٸش قۇرىلىسىنا زاقىم كەلگەن 9-سىنىپ وقۋشىسى ٷش كٷن بۇرىن اۋرۋحانادا قايتىس بولعان. قايعىلى وقيعادان كەيٸن قىلمىستىق ٸس قوزعالىپ, سوت-مەديتسينالىق ساراپتاما تاعايىندالعان. اۋرۋحانادا كٶز جۇمعان 14 جاستاعى بالانى تۋىستارى كەشە عانا جەرلەگەن.
"ٷيگە كەلدٸ, ون جارىم, ون بٸر كەزٸندە. كەلدٸ دە, قۇستى. قۇسقان سوڭ جەدەل جەردەم شاقىردىم. "مٸنە, بالاڭىزدى كٶرٸڭٸز, ٸشەكتەرٸ جارىلىپ, ٸرٸڭدەپ كەتكەن. ٸشٸن قاتتى سوققان, قان ۇيىپ قالعان" دەدٸ. بالام ساپ-ساۋ جٷرگەن. وسىنداي بولادى دەپ ويلامادىم", - دەيدٸ ايبولات مۇراتحاننىڭ اناسى سايرات ۇعىباي.
مارقۇمنىڭ تەلەفونىن قاراپ شىققان جاقىندارى اۋىلدىڭ سوتقارلارى ٶزٸنەن جاسى كٸشٸ بالالاردى بوپسالاپ, ٷنەمٸ اقشا جينايتىنىن بٸلٸپتٸ. مارقۇمنىڭ اعالارى ٸنٸمٸز تاياق جەپ, اۋىر جاراقاتتان باقيلىق بولعانىنا سەنٸمدٸمٸز دەيدٸ.
"مارقۇم بولعان ٸنٸمٸزدٸڭ تەلەفونىنان جوعارى سىنىپ وقۋشىلارىنىڭ اقشا سۇراعانىن, قانشا سۇراعانىن, نە ٷشٸن سۇراعانىنا دەيٸن جازىلعان. بٸرەۋدٸڭ Kaspi red-ٸن جاۋىپ بەرگەن. بٸرەۋدٸڭ ماشيناسىن جٶندەۋگە العان. بٸرەۋگە كاليان ەكەپ بەرگەن. بٸراق ەڭبەكشٸقازاق اۋدانى پوليتسيياسى بٶلٸمٸنٸڭ ٸس-ەرەكەتٸ تٷسٸنٸكسٸز. تەرگەۋدٸڭ ەدٸل جٷرگٸلۋٸن سۇرامايمىز, تالاپ ەتەمٸز", - دەيدٸ مارقۇمنىڭ اعاسى تالعات نۇرمان.
وسى وقيعا بويىنشا قىلمىستىق ٸس قوزعالىپ, تەرگەۋ جٷرگٸزٸلٸپ جاتىر. پوليتسييا مەيٸتتٸ تەكسەرۋ بارىسىندا مارقۇمنىڭ دەنەسٸنەن زورلىق-زومبىلىقتىڭ بەلگٸلەرٸ تابىلماعانىن جەتكٸزدٸ.
"ارىز قر قىلمىستىق كودەكسٸنٸڭ 106-بابى بويىنشا تٸركەلدٸ. مەيٸتتٸ تەكسەرۋ حاتتاماسىندا بالانىڭ دەنەسٸندە زورلىق-زومبىلىقتى ٶلٸم بەلگٸلەرٸ جوق ەكەندٸگٸ انىقتالدى. ٶلٸم سەبەبٸن انىقتاۋ ٷشٸن قاجەتتٸ سۇراقتار قويىلعان سوت-مەديتسينالىق ساراپتاما تاعايىندالدى", - دەيدٸ الماتى وبلىستىق پوليتسييا دەپارتامەنتٸنٸڭ رەسمي ٶكٸلٸ ەرنار سايدٸلدين.
بالانىڭ ٶلٸمٸنە ناقتى نە سەبەپ بولعانى سوت-مەديتسينالىق ساراپتاما قورتىندىسىنان كەيٸن بەلگٸلٸ بولادى. ال بالاسىنان ايىرىلعان وتباسى تەرگەۋ ەدٸل جٷرگٸزٸلٸپ, كٸنەلٸلەردٸڭ تيٸستٸ جازاسىن الۋىن تالاپ ەتەدٸ.
