Almaty oblysynda kóz jumǵan 14 jastaǵy jasóspirimniń týystary onyń ólimine álimjettik sebep boldy deidi, - dep habarlaidy "Ult aqparat" KTK telearnasyna silteme jasap.
Olar jasóspirimdi joǵarǵy synyptyń oqýshylary men stýdentter soqqyǵa jyqqan dep otyr. Týystarynyń sózinshe, aýyldyń sotqarlary ózinen jasy kishi balalardan únemi aqsha jinap kúsh kórsetedi eken.
Ish qurylysyna zaqym kelgen 9-synyp oqýshysy úsh kún buryn aýrýhanada qaitys bolǵan. Qaiǵyly oqiǵadan keiin qylmystyq is qozǵalyp, sot-meditsinalyq saraptama taǵaiyndalǵan. Aýrýhanada kóz jumǵan 14 jastaǵy balany týystary keshe ǵana jerlegen.
"Úige keldi, on jarym, on bir kezinde. Keldi de, qusty. Qusqan soń jedel járdem shaqyrdym. "Mine, balańyzdy kórińiz, ishekteri jarylyp, irińdep ketken. Ishin qatty soqqan, qan uiyp qalǵan" dedi. Balam sap-saý júrgen. Osyndai bolady dep oilamadym", - deidi Aibolat Murathannyń anasy Sairat Uǵybai.
Marqumnyń telefonyn qarap shyqqan jaqyndary aýyldyń sotqarlary ózinen jasy kishi balalardy bopsalap, únemi aqsha jinaitynyn bilipti. Marqumnyń aǵalary inimiz taiaq jep, aýyr jaraqattan baqilyq bolǵanyna senimdimiz deidi.
"Marqum bolǵan inimizdiń telefonynan joǵary synyp oqýshylarynyń aqsha suraǵanyn, qansha suraǵanyn, ne úshin suraǵanyna deiin jazylǵan. Bireýdiń Kaspi red-in jaýyp bergen. Bireýdiń mashinasyn jóndeýge alǵan. Bireýge kalian ákep bergen. Biraq Eńbekshiqazaq aýdany politsiiasy bóliminiń is-áreketi túsiniksiz. Tergeýdiń ádil júrgilýin suramaimyz, talap etemiz", - deidi marqumnyń aǵasy Talǵat Nurman.
Osy oqiǵa boiynsha qylmystyq is qozǵalyp, tergeý júrgizilip jatyr. Politsiia máiitti tekserý barysynda marqumnyń denesinen zorlyq-zombylyqtyń belgileri tabylmaǵanyn jetkizdi.
"Aryz QR Qylmystyq kodeksiniń 106-baby boiynsha tirkeldi. Máiitti tekserý hattamasynda balanyń denesinde zorlyq-zombylyqty ólim belgileri joq ekendigi anyqtaldy. Ólim sebebin anyqtaý úshin qajetti suraqtar qoiylǵan sot-meditsinalyq saraptama taǵaiyndaldy", - deidi Almaty oblystyq politsiia departamentiniń resmi ókili Ernar Saidildin.
Balanyń ólimine naqty ne sebep bolǵany sot-meditsinalyq saraptama qortyndysynan keiin belgili bolady. Al balasynan aiyrylǵan otbasy tergeý ádil júrgizilip, kinálilerdiń tiisti jazasyn alýyn talap etedi.
