قر يندۋسترييا جەنە ينفراقۇرىلىمدىق دامۋ مينيسترٸ رومان سكليار شامالعانداعى جولاۋشىلار پويىزى مەن اۆتوبۋستىڭ سوقتىعىسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«كەشە 15 قىركٷيەكتە كەشكٸ ۋاقىتتا اقسەڭگٸر-شامالعان ٶتكەلٸندە №43 جولاۋشىلار پويىزى №456 نٶمٸرلٸ الماتى-قاسكەلەڭ اۆتوبۋسىمەن سوقتىعىسىپ, بٸر ادام – اۆتوبۋس جٷرگٸزۋشٸسٸ كٶز جۇمدى. تاعى ٷشەۋٸ زارداپ شەكتٸ. مەن مينيسترلٸكتٸڭ جەنە ٶز اتىمنان قازا بولعان ادامنىڭ تۋعان-تۋىستارىنا كٶڭٸل ايتامىن. جول-كٶلٸك وقيعاسىن تەرگەۋ بويىنشا ارنايى كوميسسييا قۇردى. ونىڭ قۇرامىنا كٶلٸك كوميتەتٸنٸڭ, «قازاقستان تەمٸر جولى» ۇلتتىق كومپانيياسىنىڭ لاۋازىمدى قىزمەتكەرلەرٸ ەندٸ», - دەدٸ قر يندۋسترييا جەنە ينفراقۇرىلىمدىق دامۋ مينيسترٸ رومان سكليار وكق-دا ٶتكەن باسپاسٶز مەسليحاتىندا.
رومان سكلياردىڭ ايتۋىنا قاراعاندا, پويىز وقيعا ورنىنا 2434 مەترگە جاقىنداعان كەزدە اۆتوماتتى تٷردە ٶتكەلدٸ سيگناليزاتسييا قۇرىلعىسى مەن داۋىس سيگنالى قوسىلعان.
«باعدارشامدان وسى كەزدە قىزىل تٷسكە جاندى. ٶتكەلدە كٶلٸك تۇرعاندىقتان, شلاگباۋم تولىعىمەن جابىلماي قالعان. اۆتوبۋس وسى كەزدە ٶتكەلگە شىعىپ كەتٸپ, كەپتەلٸستٸڭ سالدارىنان ٶتكەلدٸڭ ٷستٸندە تۇرىپ قالعان. پويىز ساعاتىنا 97 شاقىرىممەن كەلە جاتقان كەزدە ٶتكەلگە 500 مەتر قالعاندا ماشينيست شۇعىل تەجەگٸشتٸ باسقان. الايدا جولاۋشىلار اۆتوبۋسىمەن سوقتىعىستى الدىن الۋ مٷمكٸن بولماعان», - دەيدٸ ول.
ەسكە سالا كەتسەك, كەشە شامالعان ستانتسيياسىندا پويىز بەن اۆتوبۋس سوقتىعىسقان بولاتىن. الدىن الا بولجام بويىنشا, اۆتوبۋس تەمٸر جولدىڭ رەلسٸنە شىعىپ كەتكەن.
وقيعا ورنىندا اۆتوبۋس جٷرگٸزۋشٸسٸ مەرت بولىپ, تاعى 3 ادام قاراساي اۋداندىق اۋرۋحاناسىنىڭ جانساقتاۋ بٶلٸمٸندە جاتىر. ونىڭ ەكەۋٸ بالا.
قازٸر اتالعان فاكتٸ بويىنشا قر قك 345-بابىنىڭ 3-تارماعى بويىنشا ٸس قوزعالىپ, تەرگەۋ جٷرٸپ جاتىر. ٸستٸڭ تەرگەلۋٸن باس كٶلٸكتٸك پروكۋراتۋرا ٶز باقىلاۋىنا الدى.
