الماتى وبلىسى, ەڭبەكشٸقازاق اۋدانى, ەسٸك قالاسىنداعى جاستار ساياباعىندا جامبىل جاباەۆتىڭ, ال, مەدەنيەت ٷيٸنٸڭ الدىنداعى گٷلزاردا تۇمانباي مولداعاليەۆتٸڭ ەسكەرتكٸشٸ اشىلدى.
قوس الىپتىڭ بٸر كٷندە اشىلعان مٷسٸندەرٸنٸڭ سالتاناتتى جيىنىندا وبلىس ەكٸمٸنٸڭ ورىنباسارى جاقسىلىق ومار: "ەلباسىمىز نۇرسۇلتان نازارباەۆ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا «ۇلتتىق مەدەنيەت ساقتالماسا, ەشقانداي جاڭعىرۋ بولمايدى» دەگەن ەدٸ. بٷگٸنگٸ شارانى ۇلتتىق مەدەنيەتكە ارنالعان يگٸ ٸستەردٸڭ بٸر پاراسى دەپ بٸلٸڭٸزدەر. ٶتكەن جىلى سەربييانىڭ بەلگراد قالاسىندا جامبىل بابامىزعا ەسكەرتكٸش ورناتىلدى. بٷگٸنگٸ شارا سونىڭ زاڭدى جالعاسى", – دەدٸ.
بۇدان كەيٸن قازاقستان جازۋشىلار وداعى باسقارماسىنىڭ تٶراعاسى, اقىن نۇرلان ورازالين سٶز سٶيلەدٸ: ەسٸك ٶڭٸرٸ – قاسيەتتٸ جەر. وندا ەجەلگٸ بابالارىمىزدىڭ سٷيەكتەرٸ جاتىر. ساق, ٷيسٸن دەۋٸرٸنەن قالعان جەدٸگەرلەر سولار جايلى بٸزگە سىر شەرتٸپ تۇرعانداي. التىن ادام بٷكٸلالاشتىق ورتاق سيمۆولعا اينالدى. وسى جەردە ۇلى جىراۋدىڭ ەسكەرتكٸشٸنٸڭ اشىلعانى جاقسىلىقتىڭ نىشانى.
جامبىل ۇرپاقتارى اتىنان ەسكەربەك اباەۆ سٶز الىپ, بابا مۇراسىنىڭ بٷگٸنگٸ ۇرپاقتارمەن قاۋىشىپ جاتقانىن, جىر الىبىنىڭ قازاقپەن بٸرگە مەڭگٸ جاسايتىنىن, بٷگٸنگٸ سالتانات سونىڭ دەلەلٸ ەكەنٸن تٸلگە تيەك ەتتٸ. بيٸكتٸگٸ 5 مەتر, تۇعىرى گرانيتتەن قۇيىلعان جامبىل بابامىزدىڭ قولا مٷسٸنٸن جاساعان نۇرعالىم يساباەۆ. سەۋلەتشٸلەرٸ – جانگەلدٸ وسان مەن سەيٸتحان قىرقىنباەۆ.
جاقسىلىق ومار, نۇرلان ورازاليندەر سٶز سٶيلەپ, اقىننىڭ قازاق ەدەبيەتٸنەن الار ورنى مەن ەل رۋحانيياتىنداا سٸڭٸرگەن ورنىنا توقتالىپ, سٶز سٶيلەسە, شٶمٸشباي ساريەۆ اقىنعا ارناعان ٶلەڭٸن وقىدى. م. ەۋەزوۆ اتىنداعى ەدەبيەت ينستيتۋتىنىڭ ديرەكتورى, فيلولوگييا عىلىمدارىنىڭ دوكتورى ۋەليحان قاليجان اقىن جايلى ەستەلٸكتەر ايتتى.
كەزٸندە تۇماعاڭنىڭ ٶزٸ قىزمەت ەتكەن «بالدىرعان» جۋرنالىنىڭ باس رەداكتورى دٷيسەن ماعلۇموۆ باستاعان جۋرناليستەر قاۋىمى دا اقىنعا قۇرمەت كٶرسەتتٸ. اقىننىڭ جارى كٷلتاي اپا بۇل شارانى ۇيىمداستىرۋشىلارعا, كٶپشٸلٸككە ريزاشىلىعىن بٸلدٸرٸپ, العىس ايتتى.
تۇمانباي بەينەسٸنٸڭ مٷسٸنشٸسٸ – التاي بەيسەنوۆ. سەۋلەتشٸسٸ – قۇرمانعازى قادىروۆ. سالتاناتتى جيىننىڭ سوڭى مەرەكەلٸك كونتسەرتپەن جالعاستى. بەلگٸلٸ ٶنەر قايراتكەرلەرٸ نۇرعالي نٷسٸپجانوۆ, ماقپال جٷنٸسوۆا, سۇلۋشاش نۇرماعانبەتوۆالار باستاعان ٶنەرپازدار ەن شىرقاپ, ەلگە قۇتتى بولسىن ايتتى.
الماس نٷسٸپ,
«ەگەمەن قازاقستان» گازەتٸ
