فوتو: depositphotos.com
الماتى وبلىسىندا 73 جاستاعى زەينەتكەر تەلەفون الاياقتارىنىڭ قۇربانى بولىپ, جالعىز باسپاناسىنان ايىرىلدى. بەلگٸسٸزدەر ٶزدەرٸن پوليتسييا مەن ۇلتتىق بانك قىزمەتكەرلەرٸ رەتٸندە تانىستىرىپ, ەيەلدٸ «ارنايى وپەراتسيياعا» قاتىسىپ جاتىرسىز دەپ سەندٸرگەن, دەپ حابارلايدى Ult.kz كتك ارناسىنا سٸلتەمە جاساپ.
تامارا شين ٶمٸرٸنٸڭ كٶپ بٶلٸگٸن ٶتكٸزگەن پەتەرٸن الاياقتاردىڭ نۇسقاۋىمەن ٶزٸ ساتۋعا مەجبٷر بولعان. قاسكٶيلەر وعان ٷيدٸ تٶمەن باعامەن ٶتكٸزۋ كەرەك ەكەنٸن ايتىپ, جالعان «قۇپييا كەلٸسٸمدەرگە» قول قويعىزعان. ولار پەتەردٸ ساتۋعا ارنالعان حابارلاندىرۋدى دا ٶزدەرٸ جارييالاپ, ساتىپ الۋشىنى «وپەراتسيياعا قاتىسۋشى ادام» رەتٸندە تانىستىرعان.
زەينەتكەر ولاردىڭ سٶزٸنە سەنٸپ, ٷيٸن نەبەرٸ 7,5 ميلليون تەڭگەگە ساتۋعا كەلٸسٸم بەرگەن. مەمٸلە ەكٸ كٷن ٸشٸندە رەسٸمدەلگەن. سول ۋاقىتتا ەيەلدٸڭ جاقىن تۋىسى قايتىس بولىپ, ول جەرلەۋ رەسٸمٸنە كەتۋگە مەجبٷر بولعان. اقشانى كٶرشٸسٸنە سەنٸپ تاپسىرعان.
كٶرشٸسٸ دە الاياقتاردىڭ ارباۋىنا تٷسكەن بولىپ شىقتى. كەيٸن بەلگٸلٸ بولعانداي, ول دا وسىعان ۇقساس تەسٸلمەن الدانعان, بٸراق بۇل تۋرالى كەش بٸلگەن. اقشانى كۋرەرگە تاپسىرعاننان كەيٸن عانا قاسكٶيلەر ٶزدەرٸ حابارلاسىپ, ٸستٸڭ مەن-جايىن اشىپ ايتقان.
وقيعا ەشكەرەلەنگەن سوڭ جەبٸرلەنۋشٸلەر پوليتسيياعا جٷگٸنگەن. الايدا پەتەردٸڭ جاڭا يەسٸ ٷيدٸ قايتارۋدان باس تارتىپ, مەسەلەنٸ سوت ارقىلى شەشۋدٸ تالاپ ەتكەن. ەكٸ بٸردەي سوت پروتسەسٸ جاڭا مەنشٸك يەسٸنٸڭ پايداسىنا شەشٸلگەن.
قورعاۋشى تاراپ زەينەتكەردٸڭ الاياقتاردىڭ ىقپالىمەن ەرەكەت ەتكەنٸن دەلەلدەۋگە تىرىسىپ, كاسساتسييالىق شاعىم ەزٸرلەپ جاتىر. سونىمەن قاتار تاراپتار مەسەلەنٸ سوتقا جەتكٸزبەي, كەلٸسٸم ارقىلى شەشۋ مٷمكٸندٸگٸن دە قاراستىرۋدا.
قازٸر پوليتسييا الاياقتاردى ٸزدەستٸرۋدە. ال زەينەتكەر كەز كەلگەن سەتتە ٷيدەن شىعارىلۋى مٷمكٸن – ونىڭ ەندٸ قايدا بارارى بەلگٸسٸز.
