الماتى وبلىسىندا شەكتەۋ شارالارىنا قاراماستان تٶتەنشە جاعداي رەجيمٸن بۇزعاندار كٶبەيٸپ بارادى. ٶڭٸردە تەرتٸپ بۇزعان 28 ازامات قامالدى, دەپ حابارلايدى "ۇلت اقپارات".
بۇدان بٶلەك 7 ازامات ەكٸمشٸلٸك جازاعا تارتىلىپ, ايىپپۇل سالىندى. تاعى بٸر ازاماتقا ەسكەرتۋ جاسالدى.
الماتى قالاسىنا 22 ناۋرىزدان باستاپ كٸرٸپ-شىعۋعا تىيىم سالىنعانىنا قاراماستان كەيبٸر ازاماتتار مەگاپوليسكە باراتىن جاڭا جولدار ٸزدەستٸرۋٸن توقتاتپاي جاتىر. وسىلايشا ولار ٶز باستارىن قاۋٸپكە تٸگٸپ, كوروناۆيرۋستىڭ باسقا ەلدٸ-مەكەندەرگە تارالىپ كەتۋٸنە قولايلى جاعداي تۋعىزۋدا. الماتى وبلىستىق پوليتسييا دەپارتامەنتٸنٸڭ باسپاسٶز قىزمەتٸ تەرتٸپ بۇزعان ازاماتتارعا قاتاڭ شارالار قولدانىلاتىنىن ەسكەرتەدٸ.
