الماتى وبلىسى ەكٸمٸنٸڭ بٸرٸنشٸ ورىنباسارى لاززات تۇرلاشوۆ تالدىقورعان قالاسىنداعى قۇرىلىسى تولىق اياقتالماعان, سونداي-اق, جاڭادان باستالعان نىسانداردى ارالاپ شىقتى. ەرينە, كٶڭٸل تولار كٶپتەگەن تابىس بار. اراسىندا سىن-ەسكەرتپە ەستٸپ, جۇمىس قارقىنىن تەزدەتۋگە ۋەدە ەتكەن مەردٸگەرلەر دە كەزدەستٸ.
وبلىس ەكٸمٸنٸڭ بٸرٸنشٸ ورىنباسارى ەڭ الدىمەن قاراتال شاعىناۋدانىنداعى قۇرىلىسى 1993 جىلى توقتاپ, سودان بەرٸ قاڭىراپ بوس تۇرعان كٶپقاباتتى عيماراتقا باس سۇقتى. اتالعان نىساندى ەل يگٸلٸگٸنە بەرۋ ٷشٸن بۇعان دەيٸن دە تالاي رەت جوبا-جوسپاردىڭ جاسالعانىن بٸلەمٸز. بٸردە قوناقٷي, ەندٸ بٸردە ەكٸمشٸلٸك مەكەمەلەر ورنالاساتىن عيماراتقا اينالماقشى بولعان. ٶكٸنٸشكە قاراي, قۇجاتتاندىرۋ, تاعى دا باسقا كەدەرگٸلەردٸڭ كەسٸرٸنەن ۋەدە ورىندالماي كەلگەن ەدٸ. ەندٸ سول 9 قاباتتى نىسان تالدىقورعان قالالىق مەديتسينالىق كوللەدجٸنٸڭ جاتاقحاناسى بولىپ قايتا جاڭعىرتىلاتىن بولدى. بۇل - ەڭ سوڭعى شەشٸم. بيىلعى وقۋ جىلىنا دەيٸن جٶندەۋ جۇمىسى تولىق اياقتالاتىنىن لاززات ماحاتۇلى سەنٸممەن ايتتى. دەمەك, جاتاقحانانىڭ جەتٸسپەۋشٸلٸگٸنەن پەتەر جالداپ تۇراتىن بولاشاق مامانداردىڭ قيىنشىلىعى وسى نىساننىڭ ٸسكە قوسىلۋىمەن شەشٸلمەك. سونداي-اق, عيماراتتىڭ اينالاسىنداعى ات شاپتىرىم اۋماقتى الىپ جاتقان بوس جەر اباتتاندىرىلىپ, ستۋدەنتتەردٸڭ بوس ۋاقىتىندا كٶڭٸلدٸ دەمالىس ۇيىمداستىراتىن ورنى بولماق. عيماراتتىڭ ٸرگەسٸندەگٸ اكۆاپاركتٸڭ اينالاسىنا دا جٶندەۋ جۇمىسى جٷرگٸزٸلمەك.
لاززات ماحاتۇلى كەلەسٸ كەزەكتە نازار اۋدارعان نىسانداردىڭ بٸرٸ – تالدىقورعان قالاسىندا جاڭادان سالىنىپ جاتقان, ينتەرنەت جەلٸسٸنە قوسىلعان, كٶپسالالى قىزمەت كٶرسەتۋگە ارنالعان ايالداما. بيىل قالا بويىنشا ەربٸرٸنٸڭ قۇنى 8 ميلليون تەڭگە تۇراتىن 10 ايالداما سالىنادى. قازٸر ونىڭ بەسەۋٸنٸڭ قۇرىلىسى اياقتالىپ, جولاۋشىلار كٶلٸگٸن كٷتەتٸن جٷرگٸنشٸلەردٸڭ العىسىنا بٶلەنۋدە. قالعاندارى جىل سوڭىنا دەيٸن ەل يگٸلٸگٸنە اسىرىلادى. بٸراق ايالدامانى ارالاپ شىققان تەكسەرۋشٸلەر ونداعى كەيبٸر كەمشٸلٸكتەردٸ دە بايقاپ قالدى. لاززات ماحاتۇلىنا ايالدامالاردىڭ ٸشكٸ بەزەندٸرۋ جۇمىسى ۇنامادى. ٶيتكەنٸ, ٸشكٸ بەزەندٸرۋگە قولدانىلعان ماتەريالداردىڭ دەنٸ كٷڭگٸرت تٷسپەن بويالعان. ايالدامانىڭ ٸشٸ ادامدارعا سەرگەكتٸك سىيلايتىن اشىق تٷستٸ بولعانى جٶن ەمەس پە? «تۇرعىن ٷي قۇرىلىس جيناق بانكٸ» سالىمشىلارىنىڭ قارجىسى بويىنشا بوي كٶتەرگەن 5 جەنە 16 قاباتتى تۇرعىن ٷيلەردٸڭ قۇرىلىسى مەن قۇرىلىس جۇمىسى بىلتىردان بەرٸ جالعاسىپ كەلە جاتقان كوتتەدجدٸ قالاشىقتان دا كەمشٸلٸكتەر بايقالدى. بۇل نىسانداعى قۇرىلىس جۇمىسى ساپالى جٷرگٸزٸلٸپ جاتقانىمەن قارقىنى باياۋ. قۇرىلىستاعى كەمشٸلٸكتەردٸ مەردٸگەر كومپانييا ٶكٸلدەرٸنە كٶرسەتٸپ شىققان لاززات ماحاتۇلى قۇرىلىس جۇمىسى وسى قارقىنمەن جٷرگٸزٸلسە, تۇرعىن ٷيدٸ بەلگٸلەنگەن ۋاقىتتا بٸتٸرە المايتىنىن سىنعا الدى. بٸراق مەردٸگەرلەر بۇل ٷيلەردٸ سەۋٸر ايىندا بٸتٸرەتٸندەرٸن ايتىپ, ۋەدە بەردٸ.
لاززات ماحاتۇلى تاعى بٸر نازار اۋدارعان مەسەلە – تالدىقورعان قالاسىنداعى جەكە كومپانييالاردىڭ قارجى قوسۋىمەن سالىنىپ جاتقان كٶپقاباتتى ٷيلەردٸڭ جاعدايى بولدى. ەرينە, بۇل ٷيلەردٸ جەكە قۇرىلىس كومپانييالارى ٶز قارجىسى ەسەبٸنەن سالىپ جاتقاندىقتان, قۇرىلىس ساپاسىنان كٸنە تابۋ قيىن. سەۋلەتٸ دە, سالتاناتى دا, جوباسى دا كەلٸسٸپ تۇر. بٸراق لاززات ماحاتۇلى:
– بۇل ٷيلەر سالىنىپ بٸتكەننەن كەيٸن تەك ٷيدٸڭ ماڭايىن عانا تازالاپ, ٸس بٸتتٸ دەپ كەتٸپ قالماۋ كەرەك. سول ٷيدٸڭ اينالاسىنداعى اۋماق اباتتاندىرىلاتىن بولسىن. سوندىقتان, تيٸستٸ مەكەمەلەر ٷنەمٸ قاداعالاپ وتىرۋى كەرەك, – دەپ قالالىق مەكەمە باسشىلارىنا تاپسىرما بەردٸ.
قالاداعى ون شاقتى نىساندى ارالاعان وبلىس ەكٸمٸنٸڭ بٸرٸنشٸ ورىنباسارى تەكسەرٸس سوڭىندا جۋرناليستەر قويعان سۇراققا جاۋاپ بەرٸپ, قۇرىلىس سالاسىنىڭ الداعى ۋاقىتتاعى جاي-كٷيٸ تۋرالى ماعلۇمات بەردٸ.
قاجەت انداس
