الماتى وبلىسىندا شاراپ زاۋىتى قالدىقتارىن اۋىلعا تٶگٸپ جٷر, - دەپ حابارلايدى Tengrinews.kz تٸلشٸسٸ "كتك" تەلەارناسىنا سٸلتەمە جاساپ.
الماتى وبلىسىندا شاراپ زاۋىتى شالقار اۋىلىنىڭ شەتٸن ٶندٸرٸستٸك قالدىقتارىن قۇياتىن الاڭعا اينالدىرعان. اينالاعا جايىلعان ساسىق سۋدىڭ كەسٸرٸنەن ەلدٸ مەكەنگە كەيٸننەن قوسىلعان تۇرعىندار جەر ۋچاسكەلەرٸنە ٷي سالا الماي سەرگەلدەڭكە تٷسكەن.
وعان قوسا, كەسٸپورىننىڭ قالدىعىنان شىققان جاعىمسىز يٸس بٷتٸن بٸر اۋىلعا تاراپ, بۇقارا ەسٸك-تەرەزەلەرٸن قىمتاپ وتىرۋعا مەجبٷر. سودان جۇرت شۋ شىعاردى.
تٸلشٸنٸڭ سٶزٸنشە, اۋىلدىڭ ٸشٸندە ورنالاسقان شاراپ زاۋىتىنىڭ باسشىسى جۇمىس ورنىندا جوق ەكەن. كەسٸپورىن قىزمەتكەرلەرٸ ەسٸكتەرٸن اشپاي, سۇحبات بەرمەيتٸندەرٸن اشىق ايتقان.
ال جاندوسوۆ اۋىلدىق وكرۋگٸنٸڭ ەكٸمدٸگٸ بۇل مەسەلەدەن حاباردار. اتقامٸنەرلەر ەكولوگتار قالدىق سۋدان سىناما العانىن جەتكٸزدٸ. بٸراق ونىڭ قورىتىندىسى ەلٸ شىقپاپتى. الىپ كەسٸپورىننىڭ ەرەكەتٸن قازٸر تيٸستٸ ورگاندار تەكسەرٸپ جاتىر ەكەن.
"بٸز ەندٸ تيٸستٸ مەكەمەلەرگە حاتپەن شىقتىق, سەبەبٸ ول جەرگە قانشالىقتى قالدىق سۋلاردى تٶگۋ زاڭدى, زاڭدى ەمەس ەكەنٸن انىقتاۋ ٷشٸن. ال ەندٸ ول جەردەن ەكولوگييا دەپورتامەنتٸ سىناماسىن الدى. بٷگٸنگٸ تاڭدا سول نەتيجەسٸ شىقاننان كەيٸن, ول ەندٸ انىقتالادى. ەگەر ول جەرگە زاڭسىز تٶگٸلٸپ كەلگەن بولسا, وندا ەرينە جاڭاعى دەپارتامەنت تاراپىنان, مٷمكٸن ايىپپۇل سالىنىپ, شارا قولداناتىن شىعار", - دەدٸ جاندوسوۆ اۋىلدىق وكرۋگٸ ەكٸمٸنٸڭ ورىنباسارى لەيلە بەلكەيٸروۆا.
تۇرعىندار زاۋىت قالدىقتارىن ەن دالاعا ەمەس كەرٸز جٷيەسٸنە اعىزسىن دەگەن تالاپ قويدى. زاڭسىزدىق توقتاماسا شالقارلىقتار كەسٸپورىندى سوتقا بەرمەك.
