سۋرەت اشىق دەرەككٶزدەن الىندى
الماتى وبلىسىندا اۋداندىق اۋرۋحانالاردىڭ بٸرٸندە 14 جاستاعى جاسٶسپٸرٸم قايتىس بولدى, دەپ حابارلايدى Sputnik قازاقستان.
13 ناۋرىزدا جەرگٸلٸكتٸ تۇرعىن ەڭبەكشٸقازاق اۋدانىنىڭ پوليتسيياسىنا كەمەلەتكە تولماعان ۇلىنا دەنە جاراقاتىن سالعان بەلگٸسٸز ادامداردى قىلمىستىق جاۋاپكەرشٸلٸككە تارتۋ تۋرالى شاعىم تٷسٸرگەن.
پوليتسەيلەر قر قىلمىستىق كودەكسٸنٸڭ 106-بابى بويىنشا ٶتٸنٸشتٸڭ كەلٸپ تٷسكەنٸن راستادى. دەرٸگەرلەردٸڭ كٶمەگٸنە قاراماستان, سوققىعا جىعىلعان وقۋشى كەلەسٸ كٷنٸ قايتىس بولدى.
"قازٸر بولعان وقيعانىڭ بارلىق مەن-جايلارى انىقتالىپ, قاجەتتٸ تەرگەۋ جٷرٸپ جاتىر. بالانىڭ دەنەسٸندە زورلىق-زومبىلىقتىڭ بەلگٸلەرٸ جوق. ٶلٸم سەبەبٸن انىقتاۋ ٷشٸن سوت-مەديتسينالىق ساراپتاما جاسالادى", - دەپ حابارلادى الماتى وبلىسى پوليتسيياسىنىڭ باسپاسٶز قىزمەتٸ.
ۆەدومستۆو سونىمەن قاتار ساراپتامالىق زەرتتەۋ اياقتالعاننان كەيٸن تٷپكٸلٸكتٸ ٸس جٷرگٸزٸلەتٸنٸن ايتتى. باسقا اقپارات جارييا ەتٸلمەيدٸ.
