الماتى وبلىسىندا كەز-كەلگەن ادام اقشا تٶلەمەي ازىق-تٷلٸك الاتىن سٶرە اشىلدى.
«جان جىلۋى مەكەنٸ» دەپ اتالاتىن جەردە داستارحانعا اسا قاجەتتٸنٸڭ بەرٸ بار. جەتٸسۋ جەرٸنٸڭ ٸسكەر ەيەلدەرٸ قولعا العان قايىرىمدى شارانىڭ باستى ماقساتى - ادامداردىڭ بٸر-بٸرٸنە جىلۋ سىيلاپ, مۇقتاج جانعا قول ۇشىن بەرۋ, - دەپ حابارلايدى قازاقپارات.
تەكەلٸ قالاسىنىڭ تۇرعىنى دانا ٶسكەنباەۆا بەس بالانىڭ اناسى. كٸشكەنتايىنىڭ كٷتٸمٸمەن ٷيدە وتىرعان ول, الاتىن جەردەماقىسىنىڭ ازىق-تٷلٸكتەن ارتىلمايتىنىن ايتادى. ال قىمباتشىلىق قىسقان زاماندا دٷكەن ٸشٸنەن اشىلعان سٶرەدەگٸ تاۋار حالىققا ناعىز كٶمەك دەپ سانايدى.
«اي سايىن ٶز باسىم 70 مىڭ تەڭگەدەن اسا قاراجاتتى ازىق-تٷلٸككە جۇمسايمىن. وسى جەردەن تەگٸن قانت, كەسپە, شەي الدىم. بۇل بٸزگە ٷلكەن كٶمەك. وسىنى ۇيىمداستىرىپ وتىرعان ادامدارعا العىسىمدى ايتامىن», - دەدٸ دانا ٶسكەنباەۆا.
ۇيىمداستىرۋشىلار «جان جىلۋى مەكەنٸ» دەپ اتالاتىن سٶرەگە كەز كەلگەن ادام ٶز ٷلەسٸن قوسا الاتىنىن ايتادى. ياعني, دٷكەنگە كەلگەن جان ساتىپ العان زاتىن وسى سٶرەگە قالدىرۋعا بولادى. ال شارانىڭ نەگٸزگٸ ماقساتى مۇقتاج جاندارعا قامقورلىق كٶرسەتۋ.
«بٸر-بٸرٸمٸزگە كٶمەك كٶرسەتۋ باستى ماقساتىمىز. ەر قازاعىم جالعىزىم دەيدٸ. تەك قانا باقۋاتتى ادامدار عانا مەيٸرٸمدٸلٸك كٶرسەتە المايدى, بەرٸ كٶرسەتۋ كەرەك. ەكٸ شوكولاد الىپ, بٸر شوكولادتى وسىندا قويىپ, بٸر شوكولادتى ٶزٸ جەسە ول بالالارعا ٷلكەن تەربيە دەپ ويلايمىن», - دەدٸ الماتى وبلىستىق ٸسكەر ەيەلدەر كەڭەسٸنٸڭ مٷشەسٸ الماگٷل وڭعارباەۆا.
الماتى وبلىسىنىڭ ٸسكەر ەيەلدەرٸ تەگٸن ازىق-تٷلٸك سٶرەسٸن ەزٸرگە نان, قانت, كەسپە, شەي سيياقتى داستارحانعا ەڭ قاجەتتٸ ٶنٸمدەرمەن تولتىرعان. ال الداعى ۋاقىتتا مۇنداي سٶرەلەردٸ الماتى وبلىسىنىڭ بارلىق ٶڭٸرلەرٸندە اشساق دەگەن جوسپارلارى بار جەنە ونىڭ ٸشٸندەگٸ تاۋارلاردى دا تٷرلەندٸرە تٷسپەك.
