فوتو: skyscrapercity.com
قر ٷكٸمەتٸنٸڭ قاۋلىسىمەن 2048 جىلعا دەيٸنگٸ كەزەڭگە الماتى وبلىسىندا اۋدانى 30 مىڭ گا «G4 City» ارنايى ەكونوميكالىق ايماعى (اەا) قۇرىلدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
"ەكونوميكالىق ايماق الماتى قالاسىنىڭ سولتٷستٸگٸندە, ۇزىندىعى – 80 شاقىرىم ا3 تاس جولىنىڭ (الماتى – قوناەۆ) بويىندا ورنالاسقان, ونىڭ اۋماعىندا ارنايى قۇقىقتىق رەجيم بەلگٸلەنەدٸ. جاڭا ەكونوميكالىق ايماق G4 City ينتەگراتسييالانعان قالاسىن قۇرۋعا وتاندىق جەنە شەتەلدٸك ينۆەستيتسييالاردى تارتۋ ٷشٸن قولايلى كليمات ۇسىنادى دەپ كٷتٸلۋدە, بۇل ٶز كەزەگٸندە بٷكٸل ايماقتىڭ دامۋىنا جاڭا سەرپٸن بەرەدٸ.
مەسەلەن, 2048 جىلعا دەيٸن اەا شەڭبەرٸندە شامامەن 3,7 ترلن تەڭگە كٶلەمٸندە ينۆەستيتسييا تارتۋ, قۇنى 17 ترلن تەڭگەدەن استام قىزمەتتەر مەن تاۋارلار ٶندٸرۋ, سونداي-اق 60 مىڭعا جۋىق جۇمىس ورنىن قۇرۋ جوسپارلانىپ وتىر. جالپى جاڭا ەكونوميكالىق ايماقتىڭ قىزمەتٸ G4 City-دە تۋريزم, مەديتسينا, كٶلٸك-لوگيستيكا, بٸلٸم بەرۋ جەنە مەدەني-دەمالىس سالالارى ينفراقۇرىلىمىنىڭ جەدەل دامۋىنا سەپتٸگٸن تيگٸزەدٸ دەپ كٷتٸلۋدە. سونىمەن قاتار اەا رەجيمٸ نىسانداردى سالۋعا كەتەتٸن نەگٸزگٸ شىعىنداردى ازايتۋعا مٷمكٸندٸك بەرەدٸ" - دەلٸنگەن حابارلامادا.
ەسكە سالا كەتەيٸك, G4 City دامۋ تۇجىرىمداماسىنا سەيكەس ينتەگراتسييالانعان قالا تٶرت اۋداننان تۇراتىن بولادى: Gate City – ٸسكەرلٸك جەنە قارجىلىق ورتالىق, Golden District – بٸلٸم بەرۋ جەنە مەديتسينالىق حابى, Growing District – يننوۆاتسييالىق-يندۋسترييالىق جەنە ساۋدا-لوگيستيكالىق ايماق, Green District – تۋريستٸك كلاستەر. G4 City-دە شامامەن 2,2 ملن ادام تۇرادى دەپ بولجانۋدا.
قاۋلى قول قويىلعان كٷنٸنەن باستاپ كٷشٸنە ەنەدٸ.
