فوتو: Tengrinews.kz
الماتى وبلىسىنداعى اۋىل تۇرعىندارى ەر ادامنىڭ ٶرتەنٸپ كەتكەن مەيٸتٸن تاپقان. پوليتسەيلەر كٷدٸكتٸلەردٸڭ جەبٸرلەنۋشٸنٸڭ پەتەرٸن يەمدەنۋ ماقساتىندا ونى ٶلتٸرگەنٸن انىقتادى, - دەپ حابارلايدى Tengrinews.kz اگەنتتٸگٸ "استانا" تەلەارناسىنا سٸلتەمە جاساپ.
ەر ادامنىڭ ٶرتەنٸپ كەتكەن دەنەسٸن الماتى وبلىسىنىڭ قاراكەمەر اۋىلى ماڭىندا جەرگٸلٸكتٸ تۇرعىندار كەزدەيسوق تاۋىپ العان. مەيٸت اۋىل ماڭىندا بٸر ايعا جۋىق جاتقان.
كەيٸنٸرەك تەرگەۋشٸلەر 48 جاستاعى ەر ادام ٶلتٸرٸلگەنٸن انىقتادى. سوت ساراپشىلارىنىڭ دەرەكتەرٸ بويىنشا, ەر ادام ەكٸ رەت پىشاقتالعاننان كەيٸن قايتىس بولعان. مارقۇم 25 ناۋرىزدا جوعالىپ, سودان بەرٸ حابار-وشارسىز كەتكەن. پوليتسييا قىزمەتكەرلەرٸ ونىڭ دەنەسٸ تابىلعاننان كەيٸن بٸردەن قاسكٷنەمدەردٸڭ ٸزٸنە تٷسكەن. ەڭبەكشٸقازاق اۋدانىنىڭ ٷش تۇرعىنى كٸسٸ ٶلتٸردٸ دەگەن كٷدٸككە ٸلٸنگەن: ەكٸ ەر ادام مەن ەيەل ادام. ولاردىڭ ٷلكەنٸ - 33 جاستا, كٸشٸسٸ - 23 جاستا. ولار جاساعان ٸسٸن مويىنداعان كەزدە مۇنداي ەرەكەتكە پايدا تابۋ ٷشٸن بارعانىن ايتقان.
"كٷدٸكتٸلەر الماتىداعى پەتەردٸ يەمدەنۋ ماقساتىندا كٸسٸ ٶلتٸرگەنٸن ايتتى. ەر ادام جالعىز تۇرعان, ٸشٸمدٸك كٶپ ٸشكەن. كٷدٸكتٸلەر وسىنى پايدالانعان. قىلمىس الماتى اۋماعىندا جاسالعان. سودان كەيٸن مەيٸتتٸ جالعا الىنعان كٶلٸكپەن ەڭبەكشٸقازاق اۋدانىنا اپارىپ, ٶرتەپ جٸبەرۋگە تىرىسقان", - دەدٸ الماتى وبلىسى پد باسپاسٶز قىزمەتٸنٸڭ ٶكٸلٸ ەبٸلتاي ەبەنوۆ.
قازٸر كٷدٸكتٸلەردٸڭ ٷشەۋٸ دە ۇستالدى. "ادام ٶلتٸرۋ" بابى بويىنشا سوتالدى تەرگەۋ باستالدى. ولار 20 جىلعا دەيٸن باس بوستاندىعىنان ايىرىلۋى مٷمكٸن.
